Հյուսիսային Կորեայի առաջնորդի եղբոր սպանության մեջ կասկածվողը կարծում էր, թե ինչ-որ խաղի է մասնակցում
Հյուսիսային Կորեայի առաջնորդ Կիմ Չեն Ընի ավագ եղբոր՝ ԿԻմ Չոն Նամի սպանության հետաքննության մեջ նոր անսպասելի մանրամասներ են հայտնվել, որոնք հակասում են կանխամտածված մահափորձի մասին վարկածին։ Նախօրեին ձերբակալված Դոան Տխի Խուոնգ անունով 28-ամյա կինը, որը Վիետնամի անձնագիր ուներ, հայտնել է, որ իրեն խաբեությամբ են ներգրավել այդ սպանության մեջ։ Կասկածյալի խոսքով, ինքը վստահ է եղել, որ ինչ-որ խաղի է մասնակցում, փոխանցում է Newsru–ն։
Կինը հայտնել է, որ ընկերուհին ու չորս տղամարդիկ համոզել են, որ ինքը մասնակցի ինչ-որ կատակային խաղի։ Ընդ որում նա չի իմացել, որ խոսքը Կիմ Չոն Նամի մասին է։ Կասկածյալը հայտնել է, որ մտադիր չի եղել սպանել այդ տղամարդուն, կամ վնասել նրան, այլ կարծել է, թե դա անմեղ կատակ է լինելու։ Կասկածյալը Մալայզիա էր եկել հանգստանալու իր հինգ ծանոթների հետ, որոնք սպանությունից հետո անհետացել են։
Կասկածյալի պայուսակում հայտնաբերել էին մի շիշ, որի մեջ հնարավոր է հենց այն թույնն է եղել, որով սպանել էին Կիմ Չոն Նամին։ Հիմա ոստիկանությունը որոնում է կնոջ հինգ ընկերներին։
Խաղի մասին այս պատմությունից ենթադրվում է, որ իսկական մարդասպանները կարող էին լինել կասկածյալի ծանոթները, մինչդեռ կասկածյալն ինքը ընդամենը ակամա իրականացրել է նրանց սցենարը։
Ավելի վաղ Մալայզիայի ոստիկանությունը ձերբակալել էր այս գործով երկրորդ կասկածյալին։ Կինը Ինդոնեզիայի անձնագիր ունի ու դեպի Սեուլ չվերթի տոմս։ Նրան գտել են տեսախցիկների տեսագրությունները ուսումնասիրելու միջոցով։ Ձերբակալման պահին նա եղել է Կուալա Լումպուրի հյուրանոցներից մեկում։ Հայտնում են որ ձեբակալվել է նաեւ 25-ամյա կնոջ բոյֆրենդը։


















































Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հօգուտ Դիլիջան համայնքի կբռնագանձվի 2 միլիոն 970 հազար դրամ
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
ՀԾԿՀ-ում քննարկվել է էլեկտրաէներգիայի բաշխման ցանցին միացման վճարների նվազեցման հնարավորությունը
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Կանադայի Քվեբեկ նահանգը ՀՀ քաղաքացիների համար տրամադրում է 7 տեղ ֆրանկոֆոն համալսարաններում ուսանելո...
Իրանական կամպանիայի ամերիկյան ծախսերը կարող է հասնել 31 մլրդ դոլարի
Սևանա լճի հողամասերում ապամոնտաժվել է 86 շենք-շինություն, այդ թվում՝ Սեյրան Օհանյանի առանձնատան պարի...
Սուրբ Աննա եկեղեցու միջադեպով կալանավորված երիտասարդին հիվանդանոց են տեղափոխել