Ֆերմերի վարած դաշտում հայտնաբերվել է 600-ամյա միջնադարյան կնիք՝ սրբի պատկերով
Լեհաստանում հնագետները հայտնաբերել են սուրբ նահատակ Ալեքսանդրյան Եկատերինային պատկերող 600-ամյա ինքնատիպ կնիք։ Այն հայտնաբերվել է երկրի հյուսիսում գտնվող Բրանեւո քաղաքի մոտ գտնվող մի ֆերմերի վարած դաշտում, գրել է Popular Mechanics-ը։ Մասնագետների կարծիքով՝ 14-րդ դարի բրոնզե արտեֆակտը մի ժամանակ ծառայել է որպես Բրանեւո շրջանի ծխական համայնքի եկեղեցական կնիք եւ կապված է տարածքի թեմի հետ։
Կնիքը պատրաստված է արույրից եւ զարմանալիորեն լավ վիճակում է։ Դիմերեսին պատկերված է թագադրված սուրբ Եկատերինան՝ ձեռքին սուր եւ անիվ՝ նրա նահատակության խորհրդանիշները, իսկ շուրջը գրված է գոթական տեքստ։
Սուրբ Եկատերինայի պատկերը ոչ միայն տեղի եկեղեցու հովանավոր սուրբն էր, այլեւ կարեւոր խորհրդանշական դեր է խաղացել միջնադարյան հեծելազորային ստորաբաժանումների համար, որոնք կարծում էին, որ նրա պատկերն ուղեկցել է իրենց մարտադաշտում, այդ թվում՝ 1410թ․ Գրյունվալդի փառահեղ ճակատամարտում, որը հայտնի է դարձել նկարիչ Յան Մատեյկոյի համանուն նկարով։
Սիլեզիայի համալսարանի եւ Pogotowie Archeologiczne հնագիտական գործակալության գիտնականները նշել են, որ միջնադարում ծխական համայնքների կողմից օգտագործվող կնիքները չափազանց հազվադեպ են, ինչը գտածոն հատկապես արժեքավոր է դարձնում պատմաբանների համար։
Գյուղական վայրում կնիքի հայտնվելու ստույգ պատճառը՝ կորե՞լ է, դիտավորյալ թաքցրե՞լ են, թե՞ ոչ, մնում է անհայտ, քանի որ արտեֆակտը հայտնաբերվել է հնագիտական շերտից դուրս։
Այսօր կնիքը ցուցադրվում է Բրանեւոյի տարածաշրջանային թանգարանում, որտեղ արդեն համարվում է հաստատության հավաքածուի ամենանշանակալի ցուցանմուշներից մեկը։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Հայաստանում ամառային հանգիստը որքանո՞վ է հասանելի միջին ընտանիքին
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Աբդոլլահին նշանակվել է Իրանի զինված ուժերի գլխավոր շտաբի պետ
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
ARMAT Fest 2026. Դիլիջանում կանցկացվի ժամանակակից հայկական մշակույթը, երաժշտությունն ու ստեղծարարութ...