Առանց անկախ Ուկրաինայի Մոսկվան կգա Լեհաստանի հետեւից. Զելենսկի
Նախագահ Վլադիմիր Զելենսկին հայտնել է, որ Ռուսաստանը շահագրգռված է Լեհաստանի եւ Ուկրաինայի միջեւ վեճով, բայց առանց անկախ Ուկրաինայի Մոսկվան կգա Լեհաստանի հետեւից։ Այս մասին նա ասել է Լեհաստանի նախագահ Կարոլ Նավրոցկու հետ Վարշավայում կայացած մամուլի ասուլիսում։
Զելենսկին հիշատակել է «մեր հասարակություններում առկա ոչ հեշտ պահերի մասին», բայց, նրա խոսքով, նախագահները պետք է այնպիսի քաղաքականություն վարեն, որը երկու ժողովուրդներին միասին կպահի։
«Առանց մեր պետության անկախության Մոսկվան անխուսափելիորեն կգա այստեղ, հետո՝ Եվրոպա։ Առանց մեր անկախության Մոսկվան անխուսափելիորեն կգա Լեհաստանի հետեւից։ Ուստի կարեւոր է, որ մենք լինենք։ Կարեւոր է, որ լինեք դուք։ Կարեւոր է, որ լինեն Ուկրաինան եւ Լեհաստանը, եւ կարեւոր է, որ մենք միասին լինենք»,- ասել է նա։
Նա Նավրոցկուն հրավիրել է Ուկրաինա՝ նշելով, որ դա «կարեւոր է մեր հասարակությունների համար»։
«Ուկրաինան պաշտպանում է իրեն եւ իրենով՝ Եվրոպան։ Եվ ամենամեծ գինը մենք ենք վճարել՝ մեր մարդկանց կյանքը»,- ասել է Ուկրաինայի նախագահը՝ ընդգծելով, որ Ուկրաինան երախտապարտ է Լեհաստանին աջակցության համար։
Նա միաժամանակ քաղաքական գործիչներին զսպվածության կոչ է արել հայտարարություններում, որոնք սպառնում են երկու ժողովուրդների միասնությանը։
«Մեզ բոլորիս անհրաժեշտ է ուշադիր եւ զգույշ լինել։ Ռուսաստանը պառակտում է ցանկանում, ցանկանում է քայքայել երկու ժողովուրդների միությունը։ Թույլ չենք տա նրանց անել դա»,- ասել է նա։

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Նիկոլ Փաշինյանը հանդիպում է ունեցել Կոսովոյի վարչապետի հետ
Հրազդանի կիրճը մաքրվում է տասնամյակներով կուտակված աղբից (տեսանյութ)
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...