Զելենսկին աջակցում է նախագահական ընտրություններում էլեկտրոնային քվեարկության գաղափարին
Ուկրաինան ուսումնասիրում է արտասահմանում գտնվող ուկրաինացիների համար ընտրությունների ժամանակ էլեկտրոնային քվեարկության հնարավորությունը, սակայն ներկայում քննարկումը վերաբերում է միայն նախագահական ընտրություններին. խորհրդարանական և տեղական ինքնակառավարման մարմինների ընտրությունների դեպքում այդ տարբերակը դեռևս չի քննարկվում։ Այս մասին լրագրողների հետ զրույցում հայտարարել է Ուկրաինայի նախագահ Վոլոդիմիր Զելենսկին։
Հարցին, թե արդյոք առաջընթաց գրանցվե՞լ է ռազմական դրության ժամանակ ընտրությունների մասին օրենքի մշակման գործում, Զելենսկին նշել է, որ այս հարցի վերաբերյալ որևէ նորություն չկա։ «Ինչքան ես գիտեմ, դեռևս առաջընթաց չկա, բայց ես փոխանցել եմ բոլոր ազդանշանները», - ասել է նա։
Միևնույն ժամանակ, նա նշել է, որ վաղուց է աջակցում այն գաղափարին, որ ուկրաինացիները կարողանան քվեարկել էլեկտրոնային միջոցներով։ Դա հատկապես վերաբերում է արտասահմանում գտնվող ուկրաինացիներին։ «Ես միշտ աջակցել և բարձրացրել եմ նույնիսկ համավարակի սկզբից ի վեր օրենսդրական փոփոխությունների հարցը, որոնք թույլ կտան մարդկանց քվեարկել առցանց։ Մինչ օրս մենք կոնսենսուսի չենք հասել խորհրդարանականների հետ», - եզրափակել է նա։
Ավելի վաղ ԱՄՆ նախագահ Դոնալդ Թրամփը հայտարարել էր, որ Ուկրաինան պատերազմն օգտագործում է որպես պատրվակ նախագահական նոր ընտրություններ չանցկացնելու համար։ Ի պատասխան՝ Ուկրաինայի նախագահը պատրաստակամություն էր հայտնել ընտրություններ անցկացնել. սակայն շեշտել էր՝ եթե ԱՄՆ-ն իսկապես ցանկանում է, որ Ուկրաինայում ընտրություններ անցկացվեն, ապա պետք է ապահովի քվեարկության անվտանգությունը ռուսական հարձակումներից։

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Նիկոլ Փաշինյանը հանդիպում է ունեցել Կոսովոյի վարչապետի հետ
Հրազդանի կիրճը մաքրվում է տասնամյակներով կուտակված աղբից (տեսանյութ)
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...