Առողջության ապահովագրում. առավելություններ թե՞ նոր ռիսկեր
Վերջին շրջանում ակտիվ քննարկումների փուլում է առողջության ապահովագրման նոր համակարգի ներդրման հարցը։ Կառավարությունը խոսում է համընդհանուր առողջապահական ապահովագրության անցման անհրաժեշտության մասին՝ որպես բուժօգնության հասանելիությունն ու համակարգի ֆինանսական կայունությունն ապահովող լուծում։
«Թոփ լուրեր» լրատվականը առողջության ապահովագրման թեմայով զրուցեց «Իրազեկ և պաշտպանված սպառող» ՀԿ նախագահ Բաբկեն Պիպոյանի հետ։ Ըստ Բաբկեն Պիպոյանի, դեռ վաղ է գնահատել, թե ինչ առավելություններ կտա առողջության ապահովագրման նոր համակարգը։ Նրա գնահատմամբ՝ դրա մասին հնարավոր կլինի խոսել, երբ կյանքի կկոչվի, և պարզ կդառնա, թե ներկայումս տրված խոստումները որքանով են իրագործվում։
Պիպոյանը խոսեց նաև հնարավոր ռիսկերի մասին։ Նրա դիտարկմամբ՝ խնդիրը առողջապահական համակարգի փիլիսոփայության հետ է կապված։ Պիպոյանի գնահատմամբ՝ մենք ունենք հիվանդաբուժության համակարգ, այլ ոչ թե առողջապահական։ Կարծում է, որ առողջապահական համակարգի խնդիրը պետք է լինի հիվանդությունների կանխարգելումը՝ առողջության պահպանումը։ Իսկ ապահովագրություն ներդնելու ընթացքում էլ լուծվելու են հիվանդաբուժության խնդիրները։
Հակառակը, փորձագետն արձանագրում է, որ «ամբողջ առողջապահական համակարգի ծրագրերի գերակշռող մեծամասնությունը (բյուջեի կառուցվածքում նույնպես) միտված է ոչ թե առողջապահությանը, այլ հիվանդաբուժությանը»։ Դա խնդրահարույց է հատկապես այն պարագայում, երբ մենք, համեմատած մեր հարևան երկրների, ունենք ավելի թանկ առողջապահական համակարգ։ «Սկսած դեղորայքից, վերջացրած բուն բուժական պրոցեսը՝ ակնհայտ տեսնում ենք, որ մենք ունենք թանկ համակարգ», — կարծում է Պիպոյանը՝ համեմատելով իրավիճակը հարևան Վրաստանի հետ։
Ըստ Պիպոյանի՝ ամենամեծ խնդիրն այն է, որ պետությունը նախ պետք է իր ռեսուրսները ուղղի առողջապահությունը որպես համակարգ էժանացնելու վրա, նոր միայն անցնի ծառայություններ ձեռք բերելուն, այդ թվում՝ ապահովագրության միջոցով։ Նրա խոսքով՝ առանց այդ հիմնարար քայլերի ապահովագրական համակարգի ներդրումը կարող է չտալ ակնկալվող արդյունքը։
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...