Շառլ Ազնավուրը՝ ֆրանսիական ռոք աստղ Ջոնի Հոլիդեյի մահվան մասին
Երեկ 74 տարեկանում մահացել է ֆրանսիացի կուլտային ռոք երգիչ Ջոնի Հոլիդեյը։ Ֆրանսիան սգում է իր ռոք կուռքի համար, շատ հանրահայտ մարդիկ ու քաղաքական գործիչներ իրենց ցավակցություն են հայտնում: Բնականաբար, այս կապակցությամբ արտահայտվել է նաև Շառլ Ազնավուրը, որը մտերիմ էր Հոլիդեյի հետ, ու որի հետ մեծն շանսոնյեն մի քանի ցնցող զուգերգեր է կատարել։ Ազնավուրը Հոլիդեյի բազմաթիվ երգերի հեղինակն է:
Իմանալով Ջոնիի մահվան մասին՝ Շառլը չեղարկել է իր բոլոր հարցազրույցները, որոնք նշանակված էին հաջորդ շաբաթ մինչև Բերսիում ծրագրված համերգը։
«Ջոնի Հոլիդեյ ու Ժան դ’Օրմեսսոն (ֆրանսիացի գրող ու պատմաբան, մահացել է երեկ՝ 92 տարեկանում)՝ երկու մարդ, որոնք ոգեշնչում էին ինձ։ Մի քանի տասնամյակ հետո ճակատագիրը նորից ցավոտ հարվածեց ինձ տարօրինակ ու ցավագին զուգադիպությամբ՝ մեզնից հեռացան չորս արտասովոր մարդիկ ու բոլորը մեկ գիշերվա ընթացքում՝ Էդիթ Փիաֆն ու Ժան Կոկտոն (1963-ի հոկտեմբերի 11-ին), իսկ հիմա Ջոնի Հոլիդեյը ու Ժան դ’Օրմեսսոնը։ Առաջին երկուսը իմ արտիստական ընտանիքից էին, վերջին երկուսը մարդիկ էին, որոնք ինձ ոգեշնչում էին։ Նրանք մեկընդմիշտ կմնան իմ սրտում ու հոգում։ Նրանց իմ անցյալում ու ներկայում են ու կլինեն ինձ հետ մինչև իմ կյանքի վերջ»,- գրել է Ազնավուրն իր ֆեյսբուքյան էջում։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան