Փարիզի հեղինակավոր կինոթատրոնը փայտոջիլների արշավանքի պատճառով կփակի դռները այցելուների առջև

Փարիզի հեղինակավոր Cinémathèque Française կինոթատրոնը հայտարարել է ժամանակավոր փակման մասին՝ փայտոջիլների արշավանքի պատճառով, երբ նկատվել են այդ արյունածուծները, այդ թվում՝ հոլիվուդյան աստղ Սիգուրնի Ուիվերի վարպետության դասի ժամանակ, հայտնում է The Guardian-ը։

«Բոլոր նստատեղերը կապամոնտաժվեն, այնուհետև մի քանի անգամ անհատապես կմշակվեն 180°C ջերմաստիճանի չոր գոլորշիով, ինչից հետո դրանք կստուգեն շները»,- հայտնել են հաստատությունից։ -Գորգերը կենթարկվեն նույնպիսի մշակման»։

Շենքի մյուս տարածքները կմնան բաց, այդ թվում՝ ամերիկացի դերասան և կինոռեժիսոր Օրսոն Ուելսին նվիրված ընթացիկ ցուցահանդեսը։ 2023 թվականին կառավարությունը հայտարարել էր, որ ձեռնամուխ է լինում փայտոջիլների դեմ պայքարի համակարգված միջոցառումների, որոնք մեծ քանակությամբ հայտնվել էին հասարակական տրանսպորտում, կինոթատրոններում և հիվանդանոցներում՝ կապված 2024 թվականին Փարիզում Օլիմպիական խաղերի անցկացման Ֆրանսիայի նախապատրաստության հետ։