Խուդաթյանը Տաշքենդի համաժողովում ներկայացրել է Հայաստանի տրանսպորտային ռազմավարությունը
Ուզբեկստանի մայրաքաղաք Տաշքենդում անցկացվող Տրանսկասպյան տրանսպորտային միջանցքի և կապի ներդրողների համաժողովի շրջանակներում ՀՀ ՏԿԵ նախարար Դավիթ Խուդաթյանը մասնակցել է պանելային քննարկման, որը կրում էր «Կենտրոնական Ասիայի, Հարավային Կովկասի և Սևծովյան տարածաշրջանի փոխկապակցվածության ապահովման համապարփակ օրակարգ» խորագիրը։ Այս մասին տեղեկացնում են ՀՀ ՏԿԵ նախարարությունից:
Պանելային քննարկման ժամանակ նախարարը պատասխանել է հարցերի, որոնք հիմնականում վերաբերում էին վերաբացված Հարավային Կովկասում Հայաստանի պատկերացումներին և ռազմավարական առաջնահերթություններին։
Խուդաթյանն ընդգծել է, որ Հայաստանի Կառավարության ռազմավարական առաջնահերթություններն են տարածաշրջանային ենթակառուցվածքների ապաշրջափակումը, «Խաղաղության խաչմերուկ» նախագծի ամբողջական իրականացումը՝ այդ թվում TRIPP երթուղու գործարկումը։
Հայաստանը, առաջ քաշելով «Խաղաղության խաչմերուկ» նախագիծը, նպատակ է հետապնդում ապահովել տրանսպորտային կապակցվածությունը Հյուսիս–Հարավ և Արևելք–Արևմուտք ուղղություններով։
Այս ծրագրի իրականացումը կնպաստի տարածաշրջանային առևտրի խթանմանը, ինչպես նաև Միջին միջանցքի թողունակության ընդլայնմանը՝ ստեղծելով լրացուցիչ երթուղիներ, որոնք կանցնեն Հայաստանով։
Պանելային քննարկմանը մասնակցում էին նաև Ուզբեկստանի տրանսպորտի նախարար Իլհոմ Մախկամովը, Ֆրանսիայի տրանսպորտի նախարար, միջազգային ֆինանսական ինստիտուտի ներկայացուցիչ Ֆիլիպ Տաբարոտը, Վրաստանի տնտեսության և կայուն զարգացման նախարար Մարիամ Քվրիվիշվիլին, Ադրբեջանի թվային զարգացման և տրանսպորտի նախարար Ռաշադ Նաբիևը, Ղազախստանի տրանսպորտի նախարար Նուրլան Սաուրանբաևը։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրիում կասեցվել է զովացուցիչ ըմպելիքի արտադրամասի գործունեությունը
Barbie Signature շարքի նոր տիկնիկ՝ Ուիթնի Հյուսթոնի կերպարով
Ջերմուկ համայնքին կվերադարձվի 0.3 հա մակերեսով հողամաս
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ռոբոտ-շները կպահպանեն Չինաստանի լուսնային կայանը