ՆԳՆ-ն միանում է ընդդեմ գենդերային բռնության 16-օրյա արշավին
Գենդերային հիմքով բռնության դեմ պայքարը ՆԳ նախարարության ամենօրյա ուշադրության կենտրոնում է․ այդ համատեքստում ՆԳ նախարար Արփինե Սարգսյանը նոյեմբերի 25-ին մասնակցել է «Ընդդեմ գենդերային բռնության ակտիվության 16-օրյակ» քարոզարշավի մեկնարկի միջոցառմանը։


ՆԳ նախարարն իր ելույթում ընդգծել է, որ Հայաստանի կառավարության համար գենդերային հիմքով բռնության դեմ պայքարը հստակ նպատակ է և այդ նպատակի նվաճման ճանապարհին շոշափելի ձեռքբերումներ կան։
«16-օրյա արշավը պարզապես կատարված աշխատանքի ընդգծումն է։ Շատ ուրախ եմ նաև, որ այսօր նման հարթակներում տեսնում եմ ոչ միայն կանանց ու աղջիկների, այլև տղամարդկանց։ Դա վկայում է մեր համատեղ պատրաստակամության մասին՝ միահամուռ ուժերով պայքարել բռնության դեմ»,– շեշտել է ՆԳ նախարարը։
ՆԳ նախարարը կարևորելով թվային միջավայրում գենդերային հիմքով բռնության դեմ պայքարի շրջանակում նոր գործիքակազմերի ներդրումը՝ անդրադարձել է ՆԳՆ օպերատիվ կառավարման կենտրոնում Safe YOU հավելվածի ինտեգրմանը և ընդգծել, որ սա պարզապես ինտեգրացիոն պլատֆորմի համակցում չէ, այլ վստահության նոր մակարդակի ձևավորում։ Նախարարն արձանագրել է, որ քաղաքացիական հասարակության գործընկերների ներգրավմամբ ձևավորված հարթակը տարածաշրջանում միակն է, և չափազանց կարևոր մեխանիզմ է բռնության կանխման տեսանկյունից։
Safe YOU հավելվածի միջոցով բռնության ենթարկված անձը կարողանում է օպերատիվորեն ազդանշան փոխանցել ոստիկանությանը՝ արդյունքում ապահովելով առավել արագ արձագանքում։
Արփինե Սարգսյանը վստահեցրել է, որ ՆԳ նախարարությունը պատրաստակամ է շարունակել բռնության իդենտիֆիկացմանն ուղղված արշավները, իրազեկվածության բարձրացումը, միջգերատեսչական պրոֆեսիոնալ աշխատանքը, քաղաքացիական հասարակության և միջազգային գործընկերների հետ սերտ համագործակցությունը։
Նախարար Սարգսյանը խոսել է նաև շուրջ 1800 համայնքային ոստիկանների վերապատրաստումների մասին, ինչը բռնության նախականխման և կանխման ուղղությամբ կարևոր քայլ է։
Բացման խոսքով հանդես են եկել նաև ԵՄ պատվիրակության ղեկավար, դեսպան Վասիլիս Մարագոսը, ՄԱԿ-ի մշտական համակարգող Ֆրանսուազ Ժակոբը, ՄԻՊ Անահիտ Մանասյանը, Աշխատանքի և սոցիալական հարցերի փոխնախարար Լուսինե Քոչարյանը։
Միջոցառումը շարունակվել է պանելային քննարկումների ձևաչափով, որոնց ընթացքում ելույթներով հանդես են եկել նաև ՆԳՆ Քրեական ոստիկանության կիբեռհանցագործությունների դեմ պայքարի վարչության պետ Հայկ Մկրտչյանը և Համայնքային ոստիկանության մասնագիտական մեթոդական աջակցման վարչության պետ Գեորգի Խաչատրյանը։

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Հրազդանի կիրճը մաքրվում է տասնամյակներով կուտակված աղբից (տեսանյութ)
Նիկոլ Փաշինյանը հանդիպում է ունեցել Կոսովոյի վարչապետի հետ