Թուրքիայում բանտարկված Աբդուլլա Օջալանի հետ հանդիպելու ցանկություն է հայտնել սիրիացի քրդերի առաջնորդը
Սիրիական ժողովրդավարական ուժերի (SDF) գլխավոր հրամանատար Մազլում Աբդին հայտարարել է, որ խմբավորումը ցանկանում է մասնակցել Թուրքիայի և Քրդստանի աշխատավորական կուսակցության (PKK) միջև շարունակվող խաղաղ գործընթացին՝ մտնելով երկխոսության թե՛ Անկարայի, թե՛ բանտում գտնվող PKK-ի առաջնորդ Աբդուլլա Օջալանի հետ։
Mezopotamya գործակալությանը տված հարցազրույցում Աբդին պատմել է, որ SDF-ն կարծիքներ է փոխանակել բանտում գտնվող Օջալանի հետ գրավոր հաղորդակցության միջոցով։ «Նրա կարծիքը ստացվել է նամակով, և մեր կարծիքը նույնպես փոխանցվել է», - ասել է Աբդին՝ հավելելով, որ Օջալանին Իմրալի բանտում այցելելը՝ քրդերի գլխավորած սիրիական վարչակազմի պաշտոնյաների կողմից, կարող է «դրական ներդրում ունենալ ինչպես խաղաղ գործընթացում, այնպես էլ Սիրիայի հյուսիսում և արևելքում խնդիրների լուծման գործում»։ Նա նաև նշել է, որ Օջալանը, որը Թուրքիայում բանտարկված է 1999 թվականից, նույնպես նման այցի ցանկություն ունի՝ հղում անելով Թուրքիայի քրդամետ «Ժողովուրդների հավասարության և ժողովրդավարության» կուսակցության (DEM) պատվիրակությանը, որը հանդիպել է PKK-ի առաջնորդին։
Թուրքիան SDF-ը դիտարկում է որպես PKK-ի շարունակություն և ակնկալում է, որ նրանք ևս կզինաթափվեն։ SDF-ն, սակայն, հերքում է կազմակերպչական կապերը՝ ընդունելով միայն Օջալանի գաղափարական առաջնորդությունը։ Այդ պատճառով SDF-ն հայտարարում է, որ մայիսին Օջալանի կոչով PKK-ի ընդունած ինքնալուծարման որոշումը իրենց չի վերաբերվում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ