ՊԵԿ-ն առաջին անգամ նախագահել է Սևծովյան տնտեսական համագործակցության Մաքսային հարցերով աշխատանքային խմբի նիստը
Պետական եկամուտների կոմիտեում առցանց ձևաչափով անցկացվել է Սևծովյան տնտեսական համագործակցության (ՍԾՏՀ) Մաքսային հարցերով աշխատանքային խմբի նիստը, որի նախագահությունն առաջիկա երկու տարով ստանձնել է ՀՀ պետական եկամուտների կոմիտեն։ Այս մասին հայտնում է ՊԵԿ տեղեկատվության և հասարակայնության հետ կապերի բաժինը:
Նիստը նախագահել է ՊԵԿ միջազգային համագործակցության վարչության պետ Սոսե Ստեփանյանը։ Նիստին մասնակցել են ՍԾՏՀ անդամ երկրների մաքսային ծառայությունների պատվիրակությունները, ինչպես նաև ՍԾՏՀ Մշտական միջազգային քարտուղարությունը (PERMIS)։
Նիստի մեկնարկին մասնակիցները հաստատել են օրակարգը, որից հետո ներկայացվել է ՍԾՏՀ անդամ երկրների արտաքին գործերի նախարարների խորհրդի՝ մաքսային ոլորտին վերաբերող որոշումների և առաջարկությունների իրականացման ընթացքը։
Որպես համակարգող երկիր Հայաստանը նիստին ներկայացրել է Մաքսային հարցերի աշխատանքային խմբի 2025 թվականի հուլիսի 1-ից մինչև 2027թվականի հունիսի 30-ն ընկած ժամանակահատվածի Գործողությունների ծրագիրը, որը հավանության է արժանացել աշխատանքային խմբի կողմից։ Փաստաթուղթը ներառում է տարածաշրջանային մաքսային համագործակցության խորացման, առևտրի և տարանցման դյուրացման, կարողությունների զարգացման, ապօրինի առևտրի դեմ պայքարի, թվային փոխակերպման և նորարարության, ինչպես նաև մաքսային օրենսդրության ու ընթացակարգերի ներդաշնակեցման առաջնահերթություններին համապատասխան գործողությունների ծրագիր։
Քննարկման ընթացքում անդամ երկրները ներկայացրել են տեղեկատվություն առկա իրավիճակի և իրականացված բարեփոխումների վերաբերյալ՝ մաքսային ընթացակարգերի ներդաշնակեցման և պարզեցման, ապրանքների բացթողման ժամանակի ուսումնասիրության, լիազորված տնտեսական օպերատորի ինստիտուտի ներդրման, նորարարական տեխնոլոգիաների կիրառման, ինչպես նաև էլեկտրոնային առևտրի ոլորտում մաքսային գործառնությունների բարելավման ուղղությամբ։ ՊԵԿ ներկայացուցիչները ներկայացրել են համապատասխան զեկույցներ նախանշված թեմաների շրջանակում։
Նիստի ավարտին ներկայացված զեկույցը ստացել է մասնակցող կողմերի հավանությունը։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրիում կասեցվել է զովացուցիչ ըմպելիքի արտադրամասի գործունեությունը
Barbie Signature շարքի նոր տիկնիկ՝ Ուիթնի Հյուսթոնի կերպարով
Ջերմուկ համայնքին կվերադարձվի 0.3 հա մակերեսով հողամաս
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ռոբոտ-շները կպահպանեն Չինաստանի լուսնային կայանը