Նիկիտա Սիմոնյանին հրաժեշտ կտան «Սպարտակի» ստադիոնում

99 տարեկանում մահացած Նիկիտա Սիմոնյանին հրաժեշտ կտան նոյեմբերի 27-ին Մոսկվայի «Սպարտակի» ստադիոնում՝ «Լուկօյլ Արենայում», հաղորդում է Ռուսաստանի ֆուտբոլային միությունը, որի առաջին փոխնախագահն էր լեգենդար խորհրդային ֆուտբոլիստ եւ մարզիչ։

Նիկիտա Սիմոնյանը հոկտեմբերի 12-ին էր նշել ծննդյան 99-րդ տարեդարձը։

Նիկիտա Սիմոնյանը ֆուտբոլային կարիերայի ընթացքում հանդես է եկել Մոսկվայի «Սպարտակի» կազմում և 162 գոլով ակումբի պատմության լավագույն ռմբարկուն է։ Նա «Սպարտակում»  չորս անգամ դարձել է ԽՍՀՄ չեմպիոն, երկու անգամ էլ նվաճել է գավաթը։ 1956 թվականին ԽՍՀՄ-ի հավաքականի կազմում դարձել է Օլիմպիական խաղերի չեմպիոն։

Սիմոնյանի գլխավորությամբ «Արարատը» 1973 թվականին դարձել է ԽՍՀՄ չեմպիոն ու գավաթակիր։ «Սպարտակի» հետ նա չեմպիոնական տիտղոսը նվաճել է երկու, իսկ գավաթը` չորս անգամ։