Կառավարությունը Գրիգոր Լուսավորիչ փողոցում անշարժ գույքեր կօտարի
ՀՀ կառավարութունն իր այսօրվա՝ նոյեմբերի 6–ի նիստում պետական գույք օտարելու մասին որոշում կայացրեց։ Խոսքը Երևանի Սուրբ Գրիգոր Լուսավորչի փողոց 5/3 և 5/4 հասցեներում գտնվող անշարժ գույքի մասին է։ Այն կօտարվի դասական աճուրդով: Աճուրդով օտարման ենթակա Գույքի վաճառքի նվազագույն մեկնարկային գինը սահմանվել է գնահատված արժեքի 100 տոկոսի չափով՝ համաձայն որոշման նախագծի հավելվածի։
Նախագծով սահմանվել է նաև, որ առաջին աճուրդի ժամանակ չվաճառված Գույքի վաճառքի նպատակով մինչև Գնահատման հաշվետվության ժամկետի ավարտը՝ 2027 թվականի օգոստոսի 27-ը կազմակերպել հերթական աճուրդներ՝ առանց Գույքի վաճառքի մեկնարկային գնի նվազեցման։
ՀՀ կառավարության 2025 թվականի հունվարի 9-ի որոշմամբ Գույքը նախկինում արդեն ներկայացված է եղել օտարման՝ դասական աճուրդով, սակայն շարունակական աճուրդները չեն կայացել՝ հայտերի բացակայության պատճառով:
Շինությունները կառուցվել են 1906, 1908 և 1993 թվականներին։
ք․ Երևան, Կենտրոն Սուրբ Գրիգոր Լուսավորչի փողոց 5/4 հասցեում գտնվող անշարժ գույքի շենք-շինությունների ընդհանուր մակերեսը կազմում է 73․85 քառ. մետր, որից 15.29 քառ. մետրը կազմում է պարսպի մակերեսը, իսկ 58.56 քառ. մետրը՝ շվաքարանի։
ք․ Երևան, Կենտրոն Սուրբ Գրիգոր Լուսավորչի փողոց 5/3 հասցեում գտնվող անշարժ գույքի շենք-շինությունների ընդհանուր մակերեսը կազմում է 940․81 քառ. մետր, որից 857.25 քառ. մետրը կազմում է պահեստների մակերեսը, 70 քառ. մետրը՝ շվաքարանի, իսկ 13.56 քառ. մետրը՝ պարսպի։ Տրանսպորտային մատչելիությունը գնահատված է՝ լավ։
Շենք-շինությունների արտաքին հարդարումը բացակայում է, արտաքին պատերը քարից են։ Ենթակառուցվածքներից առկա են՝ ջրամատակարարում, էլեկտրամատակարարում։ Գազամատակարարում և ջեռուցում առկա չէ։ Սանհանգույցը ունի վերանորոգման կարիք։ Ներքին հարդարման ընդհանուր վիճակը Գնահատողի կողմից գնահատված է՝ «վատ վիճակ»։
Հաշվի առնելով գույքի փաստացի վիճակը և դրա շահագործման նպատակով պահանջվող ներդրումների ծավալը՝ Գույքը վարձակալությամբ տրամադրելը նպատակահարմար չէ, ուստի Գույքը առաջարկվում է ներկայացնել օտարման, ինչի արդյունքում պահանջվող ներդրումները կիրականացվեն գնորդի կողմից։

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Հրազդանի կիրճը մաքրվում է տասնամյակներով կուտակված աղբից (տեսանյութ)
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Նիկոլ Փաշինյանը հանդիպում է ունեցել Կոսովոյի վարչապետի հետ
Ընդդիմադիր ուժերի համախմբումը և քաղաքական սերնդափոխության անհրաժեշտությունը