ՀՀ իշխող խմբակցության անդամը մտահոգված է հարկային մարմինների և քննիչների կողմից բիզնեսի վրա գործադրվող ճնշումներով
Բիզնեսի վրա Հարկային և քննչական կառույցների կողմից գործդադրվող ճնշումը որոշակի մտահոգություն է առաջացնում։ Այս մասին նոյեմբերի 5-ին Ազգային ժողովի մշտական հանձնաժողովների համատեղ նիստում՝ 2026 թվականի պետական բյուջեի նախագծի քննարկման ժամանակ, հայտարարել է ԱԺ ֆինանսավարկային և բյուջետային հարցերի մշտական հանձնաժողովի նախագահ, իշխող «Քաղաքացիական պայմանագիր» խմբակցության պատգամավոր Ծովինար Վարդանյանը՝ դիմելով Քննչական կոմիտեի ղեկավար Արթուր Պողոսյանին։
Պատգամավորի խոսքով, Հայաստանում տնտեսվարող սուբյեկտները բավականին հաճախ են բախվում իրավապահ մարմինների կողմից ոչնչով չարդարացված հալածանքների։ Նա նշել է, որ գործարարների դեմ հարուցված գործերը հիմնականում վերաբերում են 10 միլիոն դրամ և ավելի գումարի խախտումներին։ «Սակայն ձեռներեցները բողոքում են, որ ենթադրյալ խախտումների գումարը միտումնավոր ուռճացվում է՝ հետագայում գույքը բռնագրավելու և գործերը ՔԿ-ի վարույթ հանձնելու նպատակով», - պարզաբանել է Վարդանյանը»։
Բանն այն է, որ օրենքով, մինչև 10 միլիոն դրամի ենթադրյալ խախտումների դեպքում, գործարարը կարող է շտկել իրավիճակը՝ հատուցելով պատճառված վնասը։ Սակայն, ինչպես նշել է Վարդանյանը, հարկային մարմինները միտումնավոր վերագրում են վերոնշյալ գումարը գերազանցող խախտումները։
Ի պատասխան՝ Պողոսյանը հայտարարել է, որ Քննչական կոմիտեն քրեական գործեր է հարուցում միայն այն դեպքերում, երբ Պետական եկամուտների կոմիտեից (ՊԵԿ) պատշաճ կարգով հիմնավորված հաղորդագրություններ են ստացվում հարկերից դիտավորյալ խուսափելու մասին։ «Քրեական վարույթի հիմք են դառնում ՊԵԿ-ից ստացված նախնական հաշվարկները։ Խոսքը, իհարկե, ենթադրյալ խախտումների մասին է։ Միևնույն ժամանակ, ՔԿ-ն հաճախ քրեական գործեր չի հարուցում միայն նախնական հաշվարկների հիման վրա», - հավաստիացրել է Քննչական կոմիտեի ղեկավարը։
Միևնույն ժամանակ, նա նշել է, որ Քննչական կոմիտեն չի ցանկանում որևէ «պլան» իրագործել, որն ուղղված է չվճարված հարկերի «վերադարձին»։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Մեղրիում կասեցվել է զովացուցիչ ըմպելիքի արտադրամասի գործունեությունը
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Barbie Signature շարքի նոր տիկնիկ՝ Ուիթնի Հյուսթոնի կերպարով
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար
Ջերմուկ համայնքին կվերադարձվի 0.3 հա մակերեսով հողամաս