ՔՊ–ական բլոգերի սպանության մեղադրանքով մեկ անձ կալանավորված է. Ո՞րն է եղել պատճառը

ՔՊ տարածքային կառույցի անդամ, բլոգեր Շմավոն Աթոյանի սպանության դեպքի առթիվ  նախաձեռնված քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (սպանությունը) և 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը): Այս մասին NEWS.am–ին հայտնեցին Քննչական կոմիտեից՝ հիշեցնելով, որ դեպքը տեղի է ունեցել հոկտեմբերի 25–ին։

Վերջինիս նկատմամբ որպես խափանման միջոց կիրառվել է կալանքը»,- ասացին ՔԿ-ից։

Իր հերթին ArmLur.am-ը հայտնել է, որ սպանության պատճառը եղել է աղջկա հետ կապված հարց․ վերջինիս նեղացնելու դեպքը ստեղծել է լարվածություն, ինչի հետևանքով էլ հնչել է կրակոց, և սպանվել է 33-ամյա երիտասարդը։

Շմավոն Աթոյանը հանդիսացել է «Քաղաքացիական պայմանագիր» կուսակցության Դավթաշեն Տարածքային կառույցի անդամ։

Երևանի քրեական ոստիկանների ձեռնարկած միջոցառումներով պարզվել է, որ հանցագորությունը կատարել է մայրաքաղաքի Գևորգ Էմինի փողոցի բնակիչ 30-ամյա մի երիտասարդ։ Նա ձերբակալված է։