Գաուդիիի նախագծով 143 տարի կառուցվող Սագրադա Ֆամիլիան դարձավ աշխարհի ամենաբարձր եկեղեցին

Բարսելոնայի Սուրբ ընտանիքի քավության բազիլիկան և տաճարը՝ Սագրադա Ֆամիլիան, դարձավ աշխարհի ամենաբարձր եկեղեցին, երբ շինարարները տաճարի գլխավոր աշտարակի վրա բարձրացրեցին խաչի առաջին մասը։ Դրանից հետո տաճարի բարձրությունը հասավ 162,91 մետրի։

1890 թվականից բարձրության ռեկորդը Ուլմի տաճարինն էր՝ 161 մետր։ Ուլմի տաճարի շինարարությունը եւս երկար է տեւել։ Սկսվել է 14-րդ եւ ավարտվել 19-րդ դարում։

Սագրադա Ֆամիլիան, որի շինարարությունն սկսվել է 1882 թվականին, նախատեսվում է ամբողջությամբ ավարտել 2026 թվականին՝ Գաուդիի մահվան 100-րդ տարելիցին։

Հակառակ նրան, որ եկեղեցին դեռ անավարտ է, արդեն ՅՈՒՆԵՍԿՕ-ի Համաշխարհային ժառանգության օբյեկտ է համարվում։ 2010 թվականի նոյեմբերի 7-ին Հռոմի պապ Բենեդիկտոս XVI-ը պաշտոնապես օծել է տաճարը։