Հնդկաստանում դիակիզումից առաջ պարզվել է՝ երեխան ողջ է

Հնդկաստանում Max Hospital կլինիկայի աշխատակիցները հարազատներին հայտնել են, որ երկվորյակներից մեկը մահացած է ծնվել, իսկ մյուսին պետք է արհեստական շնչառության սաքրին միացնել, հաղորդում «ՌԻԱ Նովոստին»:

Բժիշկներն ընտանիքից երեք օրվա բուժման համար 1500 դոլար են պահանջել, իսկ յուրաքանչյուր հաջորդ օրը 775 դոլար կարժենար: Ընդ որում երեխան պետք է 3 ամիս հիվանդանոցում անցկացներ:

Երեխայի ծնողներն ի վիճակի չեն եղել այդքան գումար վճարել եւ որոշել են այլ հիվանդանոց երեխային տեղափոխել:

Դրանից հետո բժիշկները հարազատներին հայտնել են, որ նործաինը մահացել է: Նրանք հարզատներին երկվորյակների մարմիններով երկու պոլիէթիլենային տոպրակ են հանձնել:

6 ժամ անց՝ դիակիզումից առաջ, ծնողները նկատել են, որ տոպրակներից մեկը շարժվում է:

«Մենք պատռեցինք տոպրակը եւ նկատեցինք, որ երեխան շնչում է», — ասել է երեխայի պապիկը:

Ընտանիքն անիմջապես երեխային մոտակա հիվանդանմոց է հասցրել: Այժմ փոքրիկի վիճակը կայուն է գնահատվում:

Հդկաստանի առողջապահության նախարար Ջագատ Պրակաշ Նադան դեպքը «սրտաճմլիկ» է անվանել եւ ասել, որ Դելիի կառավարությանը հանձնարարել է զբաղվել տեղի ունեցածով եւ անհրաժեշտ միջոցներ ձեռնարկել:

Max Hospital կլինիկայում պատմել են, որ երեխային մահացած են հանձնել, իսկ սխալի համար պատասխանատու բժիշկն այժմ արձակուրդում է:

Կլինիկայի աշխատակիցները մեղադրվում են բժշկական անբարեխղճության մեջ:

NEWS.am