Վարդան Հարությունյանի ակնհայտ անհամաչափ կալանքը. փաստաբաններն ահազանգում են
ՊԵԿ նախկին նախագահ Վարդան Հարությունյանը 2025 թվականի օգոստոսի 8-ից, ըստ իրավաբանների որակման՝ ապօրինի կալանավորված է, սակայն կալանքի սկիզբ է հանդիսանում օգոստոսի 7-ը: Նշված կալանքը Հակակոռուպցիոն դատարանի կողմից երկարաձգվել է մեկ ամսով` որպես պատճառաբանություն առաջ քաշելով որոշակի վարույթային գործողությունները: Այս մասին հայտարարություն են տարածել նրա փաստաբանները։
Հայտարարությունում նաև ասվում է. «Ակնհայտ է, որ երկու ամիսն առավել քան բավարար է նման մեծ քննչական խմբի կողմից այդ ամենն ապահովելու համար, սակայն Դատարանին ներկայացվել էր դիրքորոշում՝ լրացուցիչ ժամկետի վերաբերյալ: Հենց այդ տրամաբանությամբ էլ Դատարանը մասնակիորեն բավարարել էր միջնորդությունը` տրամադրելով այդ լրացուցիչ մեկ ամիսը:
Փաստաբանական խումբը հայտնում է, որ ներկայացվել էր գրավոր դիրքորոշում առ այն, որ ցանկացած պահի պատրաստ են մասնակցել ցանկացած վարույթային գործողությունների:
Ըստ փաստաբանների, նկատվում է Դատարաններին մոլորեցնելու մոտեցում, ինչը կալանքի պայմաններում անընդունելի է, հատկապես նաև Սահմանադրական դատարանի վերջին շրջանում ընդունված որոշումների պայմաններում, որում Բարձր դատարանն ամբողջ դատական համակարգին հստակ ազդակ էր փոխանցել կալանքների որպես ծայրահեղ և բացառիկ միջոց հանդիսանալու վերաբերյալ:
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Եկեղեցին նույնականացնելով մեկ անձի հետ՝ դուք հստակ միտում ունեք մոլորեցնել ձեր և մեր ընտրողներին. Ալ...
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Ջերմուկ համայնքին կվերադարձվի 0.3 հա մակերեսով հողամաս
Մեղրիում կասեցվել է զովացուցիչ ըմպելիքի արտադրամասի գործունեությունը
Barbie Signature շարքի նոր տիկնիկ՝ Ուիթնի Հյուսթոնի կերպարով
«Բարսելոնան» առաջարկ է ներկայացրել կիսապաշտպան Ռոդրիի տրանսֆերի համար