Գահին հավակնող սաուդցի արքայազնին ազատ են արձակել 1 միլիարդ դոլարի դիմաց
Սաուդյան Արաբիայի արքայազն Միթեբ բին Աբդուլան, որը գահի հավակնորդներից էր և ձերբակալվել է հակակոռուպցիոն հետաքննության ընթացքում, ազատ է արձակվել ավելի քան 1 միլիարդ դոլարի դիմաց: Այդ մասին հայտնում է Reuters գործակալությունը՝ վկայակոչելով Սաուդյան Արաբիայում պաշտոնյայի:
Պաշտոնյան նաև նշել է, որ ևս երեք մարդ է ազատ արձակվել կառավարության հետ «համաձայնության» ձեռքբերումից հետո:
Ավելի վաղ թագաժառանգ Մուհամեդ բեն Սալման ալ Սաուդը պատմել է, որ արքայազնների մեծ մասը համաձայնել է կառավարության առաջարկին՝ ազատություն ստանալ իրենց միջոցների մի մասի դիմաց: Արդյունքում՝ հաջողվել է երկրի բյուջե փոխանցել մոտ 100 միլիարդ դոլար:
Հիշեցնենք, որ նոյեմբերի 4-ին Սաուդյան Արաբիայի թագավոր և թագաժառանգ արքայազնի կողմից ստեղծված հակակոռուպցիոն հանձնաժողովի հրամանով կալանավորվել էր 11 արքայազն, ինչպես նաև գործող ու նախկին նախարարներ՝ վերին իշխանական օղակներում կոռուպցիան արմատախիլ անելուն ուղղված լայնածավալ արշավի շրջանակում: Ավելի ուշ հայտարարվել է, որ ընդհանուր առմամբ ձերբակալվել և հարցաքննվել է 208 մարդ:
Սաուդյան Արաբիայի իշխանություններն առաջարկել են կոռուպցիայի կասկածանքով ձերբակալված թագավորական ընտանիքի անդամներին և գործարարներին պետությանը հանձնել իրենց կարողության և բիզնեսների մի մասը՝ ազատության դիմաց:
Մենք միանգամայն արժանիորեն դուրս եկանք հաջորդ փուլ
Գանսուի թռչող ձին. չինական նահանգի հնագույն ժառանգություն
Երևանը կդառնա ժամանակակից երաժշտության և արվեստի միջազգային կենտրոն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից