Սեյրան Օհանյան. Շնորհակալ եմ, տղերք

Սիրելի՛ մարտական ընկերներ, եղբայրնե՛ր

Ազատամարտիկների դաշինքի այսօրվա որոշումը՝ միանալ «Օհանյան-Րաֆֆի-Օսկանյան» դաշինքին, ինձ համար ոչ միայն քաղաքական աջակցություն է, այլև, առաջին հերթին, մարտական ընկերների կողմից ցուցաբերված բարձր վստահության դրսևորում և մեծ պատիվ։

Չեմ թաքցնում, ես, իրոք, ունեմ ձեր կարիքը։ Ինձ համար կարևոր է, որ իմ կյանքում սկսված այս նոր փուլը մենք անցնելու ենք միասին՝ մեջք մեջքի տված։ Ինչպես 90-ականների սկզբին մենք, կողք կողքի կանգնած, գիտեինք միասնականության գինը, գիտեինք՝ ինչի համար ենք դուրս եկել պայքարի, և պատրաստ էինք մեր կյանքը նվիրաբերել հանուն ընդհանուր հաղթանակի, այնպես էլ այսօր մեզ միավորում է մեկ նպատակ՝ շենացնել, ուժեղացնել մեր երկիրը։

Ինչպես 25 տարի առաջ մենք կարողացանք պատվով լուծել խնդիրը, այնպես էլ անելու ենք այսօր՝ խաղաղ պայքարում, հանուն Հայաստանի և Արցախի անվտանգության, հանուն Հայաստանի և Արցախի զարգացման, հանուն մեր ժողովրդի բարեկեցության։

Շնորհակալ եմ, տղե՛րք։

Հարգանքով՝ Սեյրան Օհանյան

Այս թեմայով Դուք ընդամենը «զապորոժեց» վարող եք. Սեյրան Օհանյանը՝ ՔՊ-ին Այդ քայքայված բանակով այսօրվա իշխանությունը ամեն օր էլ ավելի քայքայելով նոր խնդիրներ է կատարում (տեսանյութ) «Ինձ համար պաշտոնները կարևոր չեն. կարևոր է ծառայելը հայրենիքին» «Պատասխան» հաղորդաշարի հյուրը Սեյրան Օհանյանն է «EADaily»–ի հարցազրույցը Սեյրան Օհանյանի հետ