Քադիրովը հայտարարել է, որ երազում է հեռանալ Չեչնիայի ղեկավարի պաշտոնից

Ռամզան Քադիրովը հայտարարել է, որ պատրաստ է հեռանալ Չեչնիայի ղեկավարի պաշտոնից, քանի որ կարծում է, որ «դրա ժամանակը եկել է»:

Ինչպես հայտնում է РИА Новости-ն, Россия 1 հեռուստաալիքի եթերում Քադիրովին հարցրել են, թե արդյո՞ք նա պատրաստ է հեռանալ հանրապետության ղեկավարի պաշտոնից, որը զբաղեցնում է 2007 թվականից ի վեր:

«Կարելի է ասել, որ դա իմ երազանքն է: Տարածաշրջանի ղեկավար լինելը և ժողովրդի, հազարապետության համար պատասխանատվություն կրելը Բարձրյալի, պետության ղեկավարության և ժողովրդի առաջ, շատ բարդ է»,-ասել է Քադիրովը:

Նա մեկնաբանել է, որ յուրաքանչյուր սխալի համար պետք կլինի պատասխանել «այս կամ այն կյանքում»:

«Այդ պատճառով ես կասեի, որ ոչ թե հոգնել եմ կամ չեմ ուզում ծառայել, այլ կարծում եմ, որ եկել է ժամանակը: Ժամանակին պետք էին ինձ նմանները, որպեսզի կարգուկանոն հաստատվի: Այսօր մեզ մոտ կարգին է ամեն ինչ: Կարծում եմ, որ եկել է ժամանակը փոփոխություններ անելու Չեչնիայում», - ասել է Քադիրովը: