Թուրքիայի խորհրդարանի հայազգի պատգամավորը կոչ է արել վերջ տալ արվեստի գործիչների հանդեպ ճնշումներին
Թուրքիայի ընդդիմադիր Ժողովրդահանրապետական կուսակցության անդամ, խորհրդարանի հայազգի պատգամավոր Սելինա Դողանը խորհրդարանական իր վերջին ելույթի ընթացքում կոչ է արել Թուրքիայի իշխանություններին դադարեցնել արվեստի գործիչների նկատմամբ գործադրվող ճնշումները: Այս մասին Tert.am-ին հայտնել են Դողանի մամուլի ծառայությունից:
Հայազգի պատգամավորը հիշեցրել է օրեր առաջ Թուրքիայի նախագահ Ռեջեփ Թայիփ Էրդողանի հայտարարությունն այն մասին, որ անցնող 14 տարվա (նկատի ունի իր հիմնած իշխող «Արդարություն և զարգացում» կուսակցության իշխանության գալուց ի վեր - tert.am) մեծագույն փոփոխությունների հետ միասին Թուրքիայի ամենամեծ բացերը կրթական և մշակութային ոլորտների հետ են կապված: Սելինա Դողանն Էրդողանի այս հայտարարությունը որակել է որպես ինքնախոստովանություն և հիշեցրել, որ Թուրքիան Իրանից հետո աշխարհում երկրորդ տեղն է զբաղեցնում մշակութային գործիչների նկատմամբ գործադրվող ճնշումների ամոթալի ցուցակում:
«Այս ցուցակում Թուրքիային են հետևում Եգիպտոսը, Նիգերիան, Չինաստանը, Մալայզիան, Սիրիան, Տանզանիան և Ուզբեկստանը: Այս ամոթալի ցուցակից դուրս գալու համար պետք է անհապաղ դադարեցվեն արվեստի և արվեստի գործիչների հանդեպ գործադրվող ճնշումները», - հայտարարել է Դողանը:
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Հօգուտ Դիլիջան համայնքի կբռնագանձվի 2 միլիոն 970 հազար դրամ
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
ՀԾԿՀ-ում քննարկվել է էլեկտրաէներգիայի բաշխման ցանցին միացման վճարների նվազեցման հնարավորությունը
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Սևանա լճի հողամասերում ապամոնտաժվել է 86 շենք-շինություն, այդ թվում՝ Սեյրան Օհանյանի առանձնատան պարի...
Իրանական կամպանիայի ամերիկյան ծախսերը կարող է հասնել 31 մլրդ դոլարի
Սուրբ Աննա եկեղեցու միջադեպով կալանավորված երիտասարդին հիվանդանոց են տեղափոխել
«Արտեմիս II» տիեզերագնացները Լուսնի ձգողականության ազդեցության գոտի են հասել