Ռուսաստանին կարող են արգելել մասնակցել ձմեռային օլիմպիական խաղերին
Ռուսաստանի պաշտոնյաներն ակնարկում են, որ եթե փետրվարին Հարավային Կորեայում կայանալիք ձմեռային Օլիմպիադային խթանիչների խնդրով արգելվի իրենց հավաքականի մասնակցությունը, ապա ռուսաստանյան հեռուստաընկերությունները կարող են չհեռարձակել խաղերը:
«Ի՞նչ իմաստ ունի ցույց տալ Օլիմպիադան, եթե մեր մարզիկներն այնտեղ չլինեն: Հաշվի առնելով WADA-ի նախնական գնահատականները, մենք կարող ենք գուշակել, թե որ ուղղությամբ կգնան զարգացումները, եթե նպատակը Ռուսաստանն ու ռուսական սպորտը վարկաբեկելն է, այն իրականացվեց»,- երեկ ասել է Ռուսաստանի փոխվարչապետ, սպորտի նախկին նախարար Վիտալի Մուտկոն:
Միջազգային օլիմպիական կոմիտեի (ՄՕԿ) գործադիր խորհուրդը դեկտեմբերի 5-7-ը Լոզանում նախատեսված ժողովում պետք է վճռի, թե արդյոք Ռուսաստանի մարզիկները կստանան Օլիմպիադային մասնակցելու իրավունք: Խթանիչների օգտագործման համար արդեն 6 մարզիկներ որակազրկվել են:
Համաշխարհային հակադոպինգային գործակալությունը՝ WADA-ն առաջարկում է արգելել ամբողջ հավաքականի մասնակցությունը:
Անցյալ տարի ավելի քան 100 ռուսաստանցի մարզիկներ զրկվել են Ռիո դե Ժանեյրոյի ամառային Օլիմպիադային մասնակցելու իրավունքից:
Թիմի մասնակցությունն արգելելու դեպքում ՄՕԿ-ը կարող է առանձին մարզիկների թույլ տալ մասնակցել Օլիմպիական խաղերին, սակայն ոչ թե ազգային դրոշի ներքո, այլ չեզոք անհատների կարգավիճակով:
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Լույսն ամենաթանկ նվերն է, որ կարող ես տալ մարդուն
Սպիտակ տունը գործարկել է Trump TV-ն
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից