Չինաստանում հայտնաբերվել է Հոնշանի մշակույթի ամենախոշոր նեֆրիտի վիշապը. Arkeonews

Հնագետները հայտնաբերել են հին չինական Հոնշանի մշակույթի ամենախոշոր նեֆրիտի վիշապը, գրում է Arkeonews-ը։

Հոնշանի մշակույթը գոյություն է ունեցել մոտավորապես մ.թ.ա. 3500-2500 թվականներին, Հյուսիսային Չինաստանի տարածքում։ Այս մշակույթի ներկայացուցիչները նեֆրիտից ֆանտաստիկ կենդանիների քանդակներ են արարել: Սեպտեմբերի 13-ին մամուլի ասուլիսի ժամանակ չինացի հնագետները հայտարարել են, որ գտել են Հոնշանի մշակույթի ամենախոշոր՝ 15,8 սմ երկարությամբ, 9,5 սմ լայնությամբ և 3 սմ հաստությամբ նեֆրիտի վիշապին։

Արտեֆակտը հայտնաբերվել է հարավային և հյուսիսային Չինաստանի մշակութային ոճերը միավորող դամբարանում: Այստեղ նաև հարյուրից ավելի այլ առարկաներ են գտել։

Դրանից առաջ չինական կենդանաբանական այգում ամուսնական զույգի լավ պահպանված դամբարան էր հայտնաբերվել։ Հայտնագործության վայրում երկու հազար տարվա ընթացքում դամբարաններ են կառուցվել: Այս դամբարանը Գուանչժոու քաղաքում երբևէ հայտնաբերված ամենամեծ և ամենալավ պահպանված Արևելյան Ցզին դինաստիայի դամբարանն էր: