Այցելեք դպրոցներ, ստուգեք խողովակները, կախիչները, բայց հեռու մնացեք երկրի կառավարումից․ Պատգամավոր
ԱԺ «Հայաստան» խմբակցության պատգամավոր Գառնիկ Դանիելյանի ելույթը՝ ԱԺ ամբիոնից․
Վերջին օրերին բանակում՝ ոչ մարտական պայմաններում, կորցրինք երիտասարդ հայ տղաների՝ անտարբերության, անկազմակերպվածության և անփութության հետևանքով։
Եվ ընդհանրապես, բանակում օրինաչափ են դարձել դժբախտ պատահարները, ինքնասպանությունները, սպանությունները։ Մինչև ե՞րբ է շարունակվելու այս շղթան։ Ո՞վ է պատասխան տալու այս իրավիճակի համար։
Շարունակաբար գործուղումների մեկնող, ոչ մի հարսանիք, կնունք, ծնունդ բաց չթողնող նախարարին չի՞ հուզում, թե ինչի է վերածվել բանակն իր օրոք։ Հաղթանակած բանակը այսօր ասոցացվում է շարունակական մահերի, դժբախտ պատահարների հետ։
Չկա՞ այս երկրում մի պաշտոնյա, որն այնքան ազնվություն և համարձակություն ունենա, որ խոստովանելով իր անկարողունակությունը, հեռանա զբաղեցրած պաշտոնից։
Գրեթե վեց տարի է ՀՀ-ն հայտնվել է մի վարչախմբի ձեռքին, որտեղ պաշտոնների են նշանակվում հիմնականում անկարողները։ Աղետալի վիճակում է կրթությունը, առողջապահությունը, գյուղատնտեսությունը, սարսափազդու իրավիճակ է սոցիալական ոլորտում։
Նույնիսկ անտուն մնացած արցախցիներին չեն տրամադրում անհրաժեշտ սոցիալական աջակցությունը։ Ամեն օր ստանում եմ բազմաթիվ ահազանգեր, որ կառավարության վատ աշխատանքի պատճառով մինչ օրս աջակցություն չեն ստանում մարդիկ, որոնք պետք է ստանան անհրաժեշտ օգնությունը։
Շատերը հայտնվել են անելանելի վիճակում՝ չկարողանալով վճարել բնակարանի վարձավճարները։ Ո՞րն է ձեր նպատակը, որ հայրենիքից, տնից, տեղից կտրված արցախցին կրկի՞ն բռնի գաղթի ճանապարհը։
Հուսախաբ արեցիք ավելի լավ երկիր ունենալու հույսով և սպասումով լցված քաղաքացուն։ Կոռուպցիայի դեմ պայքարից խոսեցիք, մինչև ուղնուծուծը խրվեցիք կոռուպցիայի մեջ։ Ասացիք՝ Արցախը Հայաստան է և՝ վերջ, հետո մեր հայրենիքի մի մասը Ադրբեջան ճանաչեցիք։
Արցախի ռազմաքաղաքական ղեկավարությունը գերեվարված է, իսկ Ադրբեջանի նախագահը խոսում է տարածքային նոր նկրտումների մասին
Խաղաղության հասնում են երկիրը հզորացնելով, և ոչ այն մուրալով։ Դադարեցրեք մանիպուլյացնել պատերազմից հոգնած, սպառված հանրությանը։
Այցելեք դպրոցներ, ստուգեք խողովակները, կախիչները, բայց հեռու մնացեք երկրի կառավարումից։ Ձեր ամեն օրվա մնալը իշխանության ղեկին թանկ է արժենում մեր պետության, մեր ժողովրդի վրա։
Մանրամասն՝ տեսանյութում։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները