Պեսկովը՝ Պուտինի դեմ իրականացվող հիստերիայի մասին

ՌԴ նախագահի մամլո քարտուղար Դմիտրի Պեսկովը հայտարարել է, որ Ռուսաստանի նախագահի պատիվը պաշտպանելու վերաբերյալ օրենքի նախագծի մշակումը անհրաժեշտ է լրջորեն քննարկել, հաղորդում է ՌԻԱ Նովոստին։

Նրա խոսքերով, անսանձ հակապուտինյան արշավը, որն իրականացվում է որոշ երկրներում, առիթ է տալիս խորհելու պաշտպանության իրավական մեխանիզմներ մշակելու մասին։

«Դուք գիտեք, որ նախագահը կառուցողական վերաբերմունք ունի իր հասցեին հնչեցվող քննադատական նյութերի վերաբերյալ։ Հատկապես կառուցողական է նրա վերաբերմունքը կշռադատված և խելացի դիտողությունների նկատմամբ։ Իհարկե, ո՛չ նախագահը, ո՛չ նրա աշխատակազմը նորմալ չեն կարող վերաբերվել անձնական վիրավորանք պարունակող նյութերին։ Մենք դա անընդունելի ենք համարում և իհարկե, տվյալ դեպքում, պատիվն ու արժանապատվությունը պաշտպանող իրավական մեխանիզմներ արդեն կան, բայց այստեղ պետք է մտածել», – ասել է նախագահի մամլո քարտուղարը։

Նրա խոսքերով, պետք է կողմնորոշվել, թե ինչ հասկանալ, երբ «երկրի ղեկավարին են թիրախ դարձնում»։

«Դրա համար դժվար է ասել, այսպես ասենք, ներքին դաշտում, ինչն է համարվում «պետության գլխին բարդել»։ Բայց այն, որ ժամանակ առ ժամանակ, այստեղ–այնտեղ, նման սանձազերծ հակապուտինյան արշավներ են ի հայտ գալիս արտասահմանում, տարբեր երկրներում, դա անառարկելի փաստ է», ավելացրել է Պեսկովը։

Ավելի վաղ Պետդումայի նախագահ Վյաչեսլավ Վոլոդինը հավանություն էր տվել այնպիսի օրենքի մշակմանն ու ընդունմանը, որը կպաշտպանի երկրի ղեկավարի պատիվն ու արժանապատվությունը։

Top-News.am

Այս թեմայով Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի արտահանումը Բնակչության մինչև 95%-ը պետք է իրեն ռուսաստանցի զգա․ Ռուսաստանի ազգային նոր քաղաքականության ռազմավարությունը Թրամփը նշել է, որ իր կինը հավանում է Պուտինին Ուկրաինան փորձում է հարձակումներով վախեցնել ռուսաստանցիներին. Պուտին Ֆիդանը Մոսկվայում հանդիպելու է Պուտինի հետ. աղբյուր