Համասեռամոլների ընտանիք կազմելն ու երեխաներ որդեգրելը հակասահմանադրական է
Համասեռամոլների ընտանիք կազմելն ու երեխաներ որդեգրելը հակասահմանադրական է, այն չի բխում երեխաների իրավունքների առաջնահերթ պաշտպանությունից: Հանրաքվեով չի հաջողվելու փոխել Սահմանադրության հիշյալ հիմնադրույթները: Նման արձանագրմամբ է հանդես եկել իրավագիության դոկտոր, պրոֆեսոր Գեւորգ Դանիելյանը:
Նրա ֆեյսբուքյան գրառման մեջ ասվում է.
«Մարդու իրավունքները դրոշ դարձրած, իսկ իրականում մարդու վրա թքած վայրի լիբերալիստներին՝ համասեռամոլների ամուսնությունները եկեղեցական կարգով օրհնելու առումով (թերևս՝ հարաբերական և անուղղակի) Հռոմի պապից կորզած խոսքը հանգիստ չի տալիս։ Միայն Էլթոն Ջոնը գրեթե ամենօրյա ռեժիմով մի ողջ թիմով թիրախավորել էր Վատիկանը և սոսկ վերջերս է հանդարտվել՝ դե իբր հաղթել է։
Հաջողությունից գլխապտույտի մեջ ընկածներին թվում է, թե տարաբնույթ թափանցիկ ու ստվերային հնարքներով նույնպիսի հաջողության կհասնեն նաև Հայ Առաքելական Սուրբ Եկեղեցու պարագայում, ուստի համակարգված գործի են անցել։ Աղանդավորական մի ուղղություն էլ, որն սկիզբ է առել օվկիանոսից այն կողմ, հանկարծ որոշել է դիրքավորվել իբրև ազգային կառույցի կերպարի մեջ և արդեն ելույթ է ունենում ոչ թե իր հոտի, այլ ողջ ազգի անունից։ Այս քարոզիչների երազանքը մեկն է՝ նսեմացնել Ազգային Եկեղեցին և փորձել այն հավասարեցնել մյուս կրոնական կառույցների հետ՝ մնացածը, ինչպես ասում են, տեխնիկայի հարց է։
Բազմիցս եմ նկատել, համասեռամոլների ընտանիք կազմելն ու երեխաներ որդեգրելը հակասահմանադրական է, այն չի բխում ԵՐԵԽԱՆԵՐԻ ԻՐԱՎՈւՆՔՆԵՐԻ ԱՌԱՋՆԱՀԵՐԹ ՊԱՇՏՊԱՆՈւԹՅՈւՆԻՑ (37-րդ հոդվածի 2-րդ մաս), ըստ այդմ էլ՝ նույն Սահմանադրությամբ Ազգային Եկեղեցու կարգավիճակ ունեցող Հայ Եկեղեցին (18-րդ հոդված) ղեկավարվում է ինչպես քրիստոնեական արժեքներով, այնպես էլ պետության Հիմնական օրենքով, ուստի հանդարտվեք և մի պղտորեք առանց այդ էլ խոցելի հանրային և ազգային հավաքական ինքնագիտակցությունը։
Հ.Գ. Հանրաքվեով չի հաջողվելու փոխել Սահմանադրության հիշյալ հիմնադրույթները»:
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
«Ըսավ քուգդ բդի էղնի 120». նոր ձայնագրություն ընտրակաշառքի գործով«Ըսավ քուգդ բդի էղնի 120». նոր ձայն...
Ռեալը չի ցանկանում 70 մլն եվրո վճարել
Խստորեն դատապարտելի է․ ՄԻՊ-ը՝ Երևանի քաղաքապետարանում տեղի ունեցած միջադեպի մասին
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Կմիավորվի՞ ընդդիմությունը, և արդյո՞ք դա ուշացած չէ
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Հայաստանը կներկայացվի աշխարհի խոշորագույն արևային էներգետիկ ցուցահանդեսում՝ Intersolar Europe 2026-ո...
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...