Դավիթ Բաբայանի դեմ քսանից ավելի մեղադրանք է ներկայացվել
Ադրբեջանի գլխավոր դատախազությունը հանդես է եկել հայտարարությամբ ՝ կապված Արցախի նախկին արտգործնախարար Դավիթ Բաբայանի դեմ շինծու մեղադրանքների հետ:
Ըստ այդ հաղորդման՝ Դավիթ Բաբայանին առաջադրված մեղադրանքների վերաբերյալ հոդվածների թիվը գերազանցում է 20-ը:
«Քննությամբ պարզվել է, որ Դավիթ Կլիմի Բաբայանը՝ ծնված 1973թ. Խանքենդի քաղաքում (Ստեփանակերտ – խմբ.), 2013-2023թթ. անջատողական կառույցի նախագահի աշխատակազմի ղեկավարի տեղակալ, արտաքին քաղաքականության հարցերով նախագահի օգնական, արտաքին գործերի նախարար եւ հատուկ հարցերով նախագահի օգնական աշխատած ինչպես հայրենական 44-օրյա պատերազմի, այնպես էլ Ադրբեջանի տարածքային ամբողջականության վերականգնման, բնակչության անվտանգության ապահովման նպատակով հակաահաբեկչական միջոցառումների անցկացման ժամանակահատվածում հանցավոր խմբավորման կազմում մտացածին ռեժիմի ղեկավար պաշտոնյաների հետ համատեղ զբաղվել է ազգային թշնամանքի եւ ատելության հրահրմանն ուղղված գործունեությամբ, համակարգել է ահաբեկչական խմբավորումների գործունեությունը։
Նա նաեւ մասնակցել է 2020 թվականի հոկտեմբերի 17-ին Գյանջա քաղաքի չպաշտպանված տարածքների, որտեղ բնակվում էր քաղաքացիական բնակչությունը, բնակավայրերի գնդակոծման, առանձին դաժանությամբ սպանության եւ բազմաթիվ քաղաքացիական անձանց վիրավորելու, ազգային թշնամանքի եւ ատելության հողի վրա ահաբեկչության հետ կապված հանցագործություններին։
2020 թվականի հոկտեմբերի 29-ին Դավիթ Բաբայանը որպես մեղադրյալ է ներգրավվել 100.1, 100.2, 32.3, 114.1, 32.3, 116.0.1, 32.3, 116.0.6, 32.3, 116.0.7, 32.3, 116.0.8, 32.3, 116.0.9, 32.3, 116.0.10, 117.2, 32.3,214.2.1, 32.3,214.2.3, 32.3,214.2.4, 283.2.1, 283.2.3 Ադրբեջանի քրեական օրենսգրքի այլ հոդվածներով, դատարանի որոշմամբ նրա նկատմամբ որպես խափանման միջոց է ընտրվել կալանավորումը եւ հայտարարվել միջազգային հետախուզում:
Այս տարվա սեպտեմբերի 29-ին Բաբայանը ձերբակալվել է Ադրբեջանի իրավապահ մարմինների կողմից, հանձնվել քննությանը եւ նրան մեղադրանք է առաջադրվել նշված հոդվածներով»,-ասվում է հայտարարության մեջ։
Ավելի վաղ ադրբեջանական լրատվամիջոցները հայտնել էին, որ Դավիթ Բաբայանին կալանավորել են 4 ամիս ժամկետով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...