Կանադան զորքեր է տեղակայում Լատվիայում. ԱՄՆ-ը ողջունել է

Թրամփը եւ Տրյուդոն նաեւ հայտարարել են, որ վճռական են «ջախջախել «Իսլամական պետությունը» ռազմական գործողությունների միջոցով» եւ սերտ համագործակցել արտաքին առեւտրի եւ նոր աշխատատեղերի ստեղծման ուղղությամբ։

ԱՄՆ–ն ողջունում է Լատվիայում Կանադական զորքի տեղակայումը ՆԱՏՕ–ի առաքելության շրջանակներում՝ ուղղված կազմակերպության ռազմական ներկայության ամրապնդմանը Ռուսաստանի հետ սահմաններում։ Ինչպես նշվում է ԱՄՆ նախագահ Դոնալդ Թրամփի եւ Կանադայի վարչապետ Ջասթին Տրյուդոյի գրավոր հայտարարության մեջ. «Միացյալ նահանգները բարձր են գնահատում Կանադայի ներդրումը» Իսլամական Պետության դեմ պայքարի շրջանակներում, ինչպես «նաեւ Լատվիայում»։

Քաղաքական գործիչները հայտարարել են, որ վճռական են համատեղ աշխատել «ռազմական գործողությունների միջոցով» ԻՊ–ն ոչնչացնելու եւ «դեպի Մերձավոր Արեւելք շարժվող արտասահմանյան ահաբեկիչների հոսքը կանգնեցնելու» ուղղությամբ, ինչպես նաեւ կանխել ահաբեկիչների ֆինանսավորումը եւ աջակցել ԻՊ–ից ազատագրված շրջանների կայունացմանը։ Կողմերը նաեւ մտադիր են սերտորեն համագործակցել արտաքին առեւտրի եւ նոր աշխատատեղեր ստեղծելու ուղղությամբ, հայտարարել է Թրամփը։

Մենք կշարունակենք առեւտրի համագործակցությունը։ Մենք հասկանում ենք, որ մեր երկու կողմերին էլ շահեկան է արտաքին առեւտրի ուղղությամբ համագործակցությունը։ Նաեւ նոր աշխատատեղերի ստեղծումը շահավետ է եւ ԱՄՆ–ի, եւ՛ Կանադայի համար, –հայտարարել է նա։

Top-News.am