Մեքսիկայում տուգանք է սահմանվել կնատյացություն քարոզող երգերի համար
Մեքսիկայի հյուսիսում գտնվող Չիուաուա քաղաքում կպատժվեն կնատյաց երգերի կենդանի կատարողները, հայտնում է BBC-ն։
Քաղաքային խորհրդի որոշումը թույլ է տալիս գանձել մինչև 1,2 միլիոն պեսո (72,000 դոլար) տուգանքներ «գենդերային բռնության համաճարակի» պայմաններում կանանց նկատմամբ «խտրականություն» արտահայտող երգեր կատարելու համար։
ՄԱԿ-ի տվյալներով՝ Մեքսիկայում ամեն օր տասը կին ու աղջիկ է սպանվում։
Նախկինում Չիուաուան կասեցրել է թմրանյութերին առնչվող հանցագործությունը փառաբանող երգերի կատարումները:
Նոր միջոցը ուղղված է լինելու «կանանց նվաստացմանը, խտրականությանը, մարգինալացմանը կամ բացառմանը» խրախուսող երգերի դեմ:
Չիուաուայի քաղաքային խորհրդի անդամները նշել են, որ այդ միջոցը կոչված է պաշտպանելու կանանց ու ընտանիքի արժանապատվությունը և մարդու իրավունքների օրենքը: