Ուկրաինայում եվրատեսիլյան կրքեր են
Այս տարի Կիեւում անցկացվելիք «Եվրատեսիլ–2017» ամենամյա երգի մրցույթի կազմակերպչական աշխատանքներով զբաղվող թիմը հայտարարել է իր գործունեության կասեցման մասին։ Այս մասին ասվում է կազմակերպիչների՝ Ուկրաինայի Ազգային հեռուստաընկերությանը ուղղված հայտարարության մեջ, որ հրապարակել է «112 Ուկրաինա» հեռուստաալիքը։
Ինչպես պարզաբանել են կազմակերպիչները, այս որոշումը կապված է այն հանգամանքի հետ, որ թիմին, փաստորեն, զրկել են իրավասություններից՝ Ուկրաինայում մրցույթի նոր ղեկավար նշանակելով։ Դիմումի մեջ նշվում է, որ ղեկավարի փոփոխությունը կատարվել է այն բանից հետո, երբ թիմը կարողացել է Եվրոպական հեռարձակողների միությունից ստանալ մրցույթը Կիեւում անցկացնելու հաստատումը։ Արդյունքում թիմի աշխատանքը երկու ամսով դադարեցվել է, նշել են կազմակերպիչները։
«Ափսոսանքով հայտնում ենք, որ մեր թիմը չի կարող ընդունել նման նշանակումը և հնարավորություն չի տեսնում շարունակել իր աշխատանքը՝ Ուկրաինայում Եվրատեսիլի կազմակերպման և անցկացման նախագծում», ասվում է հայտարարության մեջ։
Ուկրաինան իրավունք է ստացել անցկացնել ամենամյա մրցույթը, քանի որ հենց այդ երկրի ներկայացուցիչ Ջամալան է գրավել առաջին տեղը 2016 թվականին՝ կատարելով ղրիմի թաթարների տարհանման մասին երգը։
Անցած տարվա դեկտեմբերին Bild–ը գրել էր, որ «Եվրատեսիլի» կազմկոմիտեում բանակցություններ են գնում 2017թվականի մրցույթը Կիեւից Մոսկվա տեղափոխելու վերաբերյալ։ Ինչպես պատմեցին պարբերականի զրուցակիցները, մրցույթի կազմակերպիչները մտածել են տեղափոխել մրցույթի անցկացման վայրը այն պատճառով, որ Կիեւը «Եվրատեսիլի» կազմակերպիչներին չի տվել ֆինանսական երաշխիքներ։
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները