Իշխան Գասպարյանի նոր նախագիծը` "Հայաստանը ես եմ" ամանորյա փառատոնը Մոսկվայում

Դեկտեմբերի 18֊ին Մոսկվայի «Ստրոգինո» համերգասրահում սկիզբ դրվեց Հովհաննես Գասպարյանի անվան պարի ակադեմիայի նոր նախագծին` «Հայաստանը ես եմ» ամանորյա փառատոնին։

Այս փառատոնը էապես տարբերվում է ապրիլին մշտապես իրականացվող «Բյուրեղյա Նուռ»֊ից առաջին հերթին պար ,երգ և ժող.գործիքների համադրումով։ Այսինքն մասնակիցները բազմերանգ արվեստի գույներ էին ներկայացնում, իսկ շնորհալիների պակաս չկար, ինչպես միշտ։

Հանդիսատեսին հրաշալի բեմադրություններով ներկայացան «Արաքս» (Արաքսի Կարսլյան), «Ախթամար» ( Ելենա Շամոյան), «Նռանե» ( Միլենա Սանախչյան) , «Հայրենիք» ( Արտյոմ Ռաֆայելյան) , «Նարո դենս» ( Նարեկ Կարապետյան) և «Հովիկ Ստուդիո» ( Գագիկ Հայրապետյան, Հովհաննես Խաչատրյան, Մհեր Մարգարյան, Մարիա Պետրոսյան) պարային կրթօջախների սաները։

Բեմում մեծ ոգևորություն առաջացրեցին «Գրեյս» վոկալի դպրոցի ( Լուսինե Գասպարյան) տաղանդավոր սաները։

Փոքրիկ դաշնակահար Էրիկ Ապրեսյանը հերթական անգամ հաճելիորեն զարմացրեց ներկաներին։

Մեծ էր հիացմունքը երաժշտական յուրահատուկ խմբի «Արարատ Բենդ»֊ի նկատմամբ ( Նարինե Մալխասյան)։

Դե իսկ հատուկ հյուրեր` երգարվեստի սիրված Եվա Ռիվասն ու Ժորա Շահինյանը համերգը դարձրեցին չափազանց տպավորիչ։

Հաղորդավարների դուետում կրկին սիրված Թամարա Հովհանեսյանն էր և Հայաստանից ժամանած դերասան, հումորիստ` Զիրոյանը, որոնք առանձնահատուկ աշխուժություն ապահովեցին մշտապես լեփ֊լեցուն դահլիճում։

Համերգն ավարտվեց բազում մրցանակներով և փառատոնի շատ գեղեցիկ երգով, որի հեղինակը Իշխան Գասպարյանն է։

«Հայաստանը ես եմ» փառատոնը անշուշտ սիրվեց այնքան , որ նույնպես կդառնա ամենամյա և տարեց տարի ամանորյա թարմություն կբերի բոլոր մասնակիցներին ։

Փառատոնը կպահպանի իր գլխավոր առաքելությունը, այն է` համախմբել տաղանդաշատ հայ երեխաներին , որոնք ամենուրեք պատվով կարող են բարձր կանչել. Հայաստանը ե'ս եմ !