Տավուշցի երեխաները լեգենդների հետ` «Սթարմուսի» բեմում
Տավուշի թեմի մանկապատանեկան երգչախմբի ելույթից հետո րոպեներ շարունակ հանդիսատեսը հոտնկայս ծափահարում էր։
«Սթարմուսի» փառատոնային երրորդ օրը Երևանի Մարզահամերգային համալիրի բեմում ելույթ ունեցավ Տավուշի թեմի մանկապատանեկան երգչախումբը: Փոքրիկ երգիչներին ելույթից առաջ ներկայացրեց Queen խմբի լեգենդար կիթառահար Բրայան Մեյը, որից հետո նրանք «անցան գործի»։
Խումբը կատարեց Queen-ի երգացանկի մի քանի հայտնի ստեղծագործություններ` շարքը եզրափակելով «We are the champions» երգով: Ելույթից հետո րոպեներ շարունակ հանդիսատեսը հոտնկայս ծափահարում էր փոքրիկ երգիչներին: Դահլիճը հուզված էր երեխաների հրաշալի ելույթից:
Հիշեցնենք` նախապես հայտարարվել էր, որ փոքրիկներն ու Մեյը միասին են ելույթ ունենալու: Երեկ ասուլիսի ժամանակ Մեյը խոստովանել է` մտահոգվել է, երբ տեսել է, թե որքան սրտատրոփ են երեխաները պատրաստվում իր հետ ելույթ ունենալուն։
Երգչախումբը հայտնի դարձավ շաբաթներ առաջ համացանցում տարածված տեսանյութով, որն ավելի ուշ ինստագրամյան իր էջում տարածել էր Բրայան Մեյը` հայտնելով իր հիացմունքը: Մեյը գրել էր` ոգևորված է, որ շուտով Հայաստան է այցելելու։
Հավելենք, որ «Սթարմուս» փառատոնը հեղինակել են Կանարյան կղզիների աստղաֆիզիկայի ինստիտուտի պրոֆեսոր Գարիկ Իսրայելյանը և լեգենդար «Queen» ռոք խմբի աստղաֆիզիկոս և կիթառահար դոկտոր Բրայան Մեյը։ Փառատոնը գիտության, արվեստի և երաժշտության համադրություն է, որտեղ ելույթ են ունենում տիեզերագնացներ, Նոբելյան մրցանակակիրներ և համաշխարհային գիտության, մշակույթի և արվեստի աստղեր։
Փառատոնի շրջանակում ստեղծվել է գիտական գիտելիքի տարածման համար Սթիվեն Հոքինգի մեդալը, որը շնորհվում է գիտական գիտելիքների տարածման գործում մեծ ներդրում ունեցած անհատներին ու թիմերին։ Նախկինում այն ստացել են Իլոն Մասկը, Ժան-Միշել Ժարը, Նիլ դե Գրաս Թայսոնը, Բրայան Էնոն, Հանս Զիմմերը։
Փառատոնն առաջին անգամ անցկացվել է Թեներիֆեի աստղաֆիզիկայի համայնքում 2011 թվականին:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները