Տիգրանաշենն ու Տավուշի գյուղերը մնալու են հայկական․ ընդդիմության քայլերթը Տիգրանաշենից Երևան մեկնարկել է

Մենք մեր համախմբման քայլերթն ենք սկսում Տիգրանաշենից, իսկ սրան զուգահեռ մեր ընկերն էլ Տավուշից են գալիս։ Հայաստանն ու Արցախը վճռորոշ օրեր են անցնում ու սա ասելով ինչ-որ նոր բան չեմ ասում։ Մեզանից պահանջվում է, որ միասնական լինենք, միասնական, քան երբևէ։ Արտաքին մարտահրավերների համար մենք այլ տարբերակ չունենք։ Այս մասին քիչ առաջ Տիգրանաշենից դեպի Երևան մեկնարկած քայլերթի ժամանակ իր ելույթում ասաց «Հայաստան» խմբակցության պատգամավոր Աննա Գրիգորյանը։

«Սակայն այդ արտաքին մարտահրավերները հաղթահարելու համար մենք պիտի հեռացնենք այն մարդկանց, որոնք պատրաստակամություն են հայտնել Արցախը թողնել Ադրբեջանի կազմում։ Տիգրանաշենն էլ է մնալու հայկական, Տավուշի բոլոր գյուղերն էլ են մնալու հայկական, Սյունիքից էլ այլևս որևէ բան չի զիջվելու, թող այս իշխանությունները սրանք իրենց ականջներին հստակ օղ անեն»,- նշեց նա։