Պուտին. Ուկրաինայի վրա ոչ թռիչքային գոտի ստեղծելու փորձերը Ռուսաստանը որպես հակամարտությանը մասնակցություն կդիտարկի

Ուկրաինայի վրա ոչ թռիչքային գոտի ստեղծելու այլ երկրների փորձերը Ռուսաստանը որպես ռազմական գործողություններին մասնակցություն կդիտարկի։ Այս մասին շաբաթ օրը ռուսական ավիաընկերությունների կին օդաչուների հետ հանդիպմանը հայտարարել է ՌԴ նախագահ Վլադիմիր Պուտինը, փոխանցում է ՏԱՍՍ-ը։

«Հիմա մենք լսում ենք, որ պետք է ոչ թռիչքային գոտի ստեղծել Ուկրաինայի տարածքի վրա։ Դա անհնար է անել հենց Ուկրաինայի տարածքում, դա հնարավոր է միայն որոշ հարեւան պետությունների տարածքում։ Բայց այս ուղղությամբ ցանկացած շարժում մեր կողմից կդիտարկվի որպես զինված հակամարտությանը մասնակցություն այն երկրի կողմից, որի տարածքից սպառնալիքներ կստեղծվեն մեր զինծառայողների համար։ Մենք նույն վայրկյանին նրանց որպես ռազմական հակամարտությունների մասնակիցներ կդիտարկենք, եւ արդեն միևնույն է, թե որ կազմակերպությունների անդամ են նրանք հանդիսանում»,- ասել է նա։

Այս թեմայով Ռուսական զորքերը գրավել են եւս մեկ բնակավայր Ինչ է կատարվում Կիեւում եւ նրա մատույցներում Ուկրաինայում եւ նրա շուրջ իրադարձությունների զարգացումը վերջին ժամերին Ուկրաինայի անվտանգության ծառայություն կողմից ձերբակալության ժամանակ սպանվել է ուկրաինական կողմի բանակցողներից մեկը՝ Դենիս Կիրեևը Ուկրաինայի վարչապետը հրաժարականի դիմում է գրել