Կորոնավիրուսի դեմ պատվաստանյութերը վեց ամիս անց դադարում են պաշտպանություն ապահովել. հետազտություն
Ռիսկի խմբի մարդկանց համար ժամանակին վերապատվաստում է անհրաժեշտ կորոնավիրուսի դեմ, քանի որ արդեն վեց ամիս անց գործող պատվաստանյութերը դադարում են անհրաժեշտ պաշտպանություն ապահովել։ Այս մասին ասվում է Lancet Respiratory Medicine ամսագրում հրապարակված հետազոտության մեջ։
Medportal.ru-ի փոխանցմամբ՝ հետազոտողներն ուսումնասիրել են 2021 թվականի ապրիլից մինչեւ նոյեմբեր ընկած ժամանակահատվածում 50000 հոսպիտալացման տվյալները եւ պարզել, որ պատվաստանյութերը 94 տոկոսով արդյունավետ են հոսպիտալացումը կանխելու համար ներարկումից 50-100 օր հետո: Սակայն 200-250 օր անց արդյունավետությունը նվազում է մինչեւ 80.4 տոկոս:
Հետազոտությունը հաստատում է պաշտպանվածության կտրուկ նվազումը պատվաստումից արդեն վեց ամիս անց, ինչը վկայում է լրացուցիչ միջոցառումների անհրաժեշտության մասին, այն է՝ խթանող պատվաստման։
Գիտնականներին հաջողվել է նաեւ պարզել պատվաստանյութերի արդյունավետության նվազման հետ կապված գործոնները. դրանք են՝ տարիքը (80+), ուղեկցող հիվանդությունները, ինչպիսիք են քաղցկեղը, փոխպատվաստումների առկայությունը, երիկամների քրոնիկ հիվանդությունը, հիպերտոնիան կամ սրտի անբավարարությունը, վարակի տեսակը եւ պատվաստումից հետո անցած ժամանակը:
Հետազոտությունը ցույց է տվել, որ Moderna, Pfizer-BioNTech եւ Janssen պատվաստանյութերը նույնքան լավ են սկզբնական պաշտպանություն ապահովում կորոնավիրուսից, ընդ որում, Pfizer-BioNTech-ի եւ Janssen-ի արդյունավետությունը ժամանակի ընթացքում ավելի արագ է նվազում, քան Moderna-ինը:
Գիտնականների խոսքով՝ այս տվյալներն օգնում են հասկանալ արդյունավետության տարբերություններն ըստ պատվաստանյութի տեսակի, ինչը կարող է օգնել որոշել խթանիչ պատվաստումների ծրագրերի նպատակները:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...