Ճապոնիան միացել է Ռուսաստանի ԿԲ-ի եւ Պուտինի դեմ պատժամիջոցներին
Ճապոնիան պատժամիջոցներ է սահմանել Ռուսաստանի Կենտրոնական բանկի դեմ՝ Ուկրաինայում Ռուսաստանի գործողությունների հետ կապված, հայտնում է Reuters-ը՝ վկայակոչելով վարչապետ Ֆումիո Կիսիդային։ Այս մասին Կիսիդան հայտարարել է Ուկրաինայի նախագահ Վլադիմիր Զելենսկու հետ երկուշաբթի կայացած հեռախոսազրույցից հետո։ Ավելի վաղ Ռուսաստանի Կենտրոնական բանկի դեմ պատժամիջոցներ էին սահմանել ԱՄՆ-ը, ԵՄ-ն եւ Մեծ Բրիտանիան։ Ճապոնիան պատժամիջոցներ կկիրառի նաեւ Բելառուսի նախագահի եւ բելառուսական ընկերությունների եւ ֆիզիկական անձանց նկատմամբ։
Ճապոնիայի վարչապետի գրասենյակը փետրվարի 28-ին հայտարարեց, որ պատժամիջոցներ են սահմանվում ռուսական բանկերի եւ նախագահ Վլադիմիր Պուտինի նկատմամբ, սակայն կառավարության կայքում հրապարակված հայտարարության մեջ Կենտրոնական բանկի դեմ պատժամիջոցների մասին ոչինչ չի ասվում:
«Ճապոնիան հայտարարում է հետեւյալ միջոցների մասին՝ պատժամիջոցներ կիրառել, այդ թվում՝ արգելափակել Ռուսաստանի կառավարության հետ կապված անձանց եւ նախագահ Պուտինի ակտիվները, արգելափակել երեք ռուսական բանկերի՝ «ՎԷԲ», «Պրոմսվյազբանկ» եւ «Ռոսիա» բանկերի ակտիվները, Եվրոպայի եւ ԱՄՆ-ի հետ համատեղ միջոցներ ձեռնարկվել միջազգային ֆինանսական համակարգից եւ համաշխարհային տնտեսությունից Ռուսաստանի մեկուսացման ուղղությամբ՝ ռուսական որոշ բանկերի՝ SWIFT համակարգից բացառման միջոցով»,- ասվում է հայտարարության մեջ։
Ճապոնիայի կառավարությունը նաեւ արգելել է գործարքները ռուսական սուվերեն պարտքի հետ առաջնային եւ երկրորդային շուկաներում, արգելք է սահմանել ռուսական պաշտպանական կառույցներին արտահանման մատակարարումների վրա, արգելել է երկակի նշանակության ապրանքների, ինչպես նաեւ կիսահաղորդիչների արտահանումը Ռուսաստան: Կասեցվում է նաեւ ճապոնական վիզաների տրամադրումը բոլոր նրանց, ում վրա տարածվել են պատժամիջոցները:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...