Մակրոնը կընդունի Շոլցին և ԵՀ-ի ղեկավարին «եվրոպական ինքնիշխանության» և Ուկրաինայի քննարկման համար
Ֆրանսիայի նախագահ Էմանուել Մակրոնը փետրվարի 28-ին Ելիսեյան պալատում կընդունի Գերմանիայի կանցլեր Օլաֆ Շոլցին եւ Եվրահանձնաժողովի նախագահ Ուրսուլա ֆոն դեր Լյայենին՝ Ուկրաինայի իրադրության պատճառով Եվրոպայի տնտեսական ինքնիշխանության քննարկման համար: Փետրվարի 28-ին այդ մասին հաղորդել է Agence France-Presse-ը(AFP)՝ վկայակոչելով Ելիսեյան պալատը:
Գործակալության տվյալներով՝ աշխատանքային ընթրիքը տեղի կունենա եվրոպացի արդյունաբերողների հետ համատեղ: Հանդիպման շրջանակներում կողմերը կբարձրացնեն «եվրոպական տնտեսական ինքինշխանության հարցերը, այդ թվում հաշվի առնելով Ուկրաինայի իրադարձությունները»:
Դրանից առաջճ Մակրոնը կանցկացնի Պաշտպանության եւ ազգային անվտանգության խորհրի նիստ Ուկրաինայի իրադրության կապակցությամբ, իսկ այնուհետեւ այդ նույն հարցը կքննարկի Ֆրանսիայի վարչապետ Ժան Կաստեքսի հետ: Ժամը 15:00-ին (Երեւանի ժամանակով 18:00-ին) Ֆրանսիայի նախագահը կընդունի իր վրացի պաշտոնակից Սալոմե Զուրբիշվիլիին: Նրանք կքննարկեն տարածաշրջանի կայունության հարցն ստեղծված իրավիճակում:
Ժամը 17:30-ին (Երեւանի ժամանակով 20:30-ին) Մակրոնը Եվրամիության եւ ՆԱՏՕ-ի գծով պաշտոնակիցների հետ կմասնակցի տեսակոնֆերանսին, որի շրջանակներում կքննարկվի երկրների միջեւ համագործակցության ամրապնդումն Ուկրաինայի իրադարձությունների կապակցությամբ: Ֆրանսիայի ղեկավարի վարչակազմում չեն բացառում, որ Օլաֆ Շոլցը եւ Ուրսուլա ֆոն դեր Լյայենը տեսակոնֆերանսին միանան ուղղակի Ելիսեյան պալատից, հաղորդել է ՏԱՍՍ-ը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...