G7 երկրները հայտարարել են, որ ՌԴ-ն պատասխանատվություն է կրելու Ուկրաինային հասցված ցանկացած վնասի համար
Մեծ յոթյակի երկրները (G7) հայտարարել են, որ Ռուսաստանը պատասխանատվություն կկրի ցանկացած վնասի համար, որն իր գործողություններով հասցրել է Ուկրաինային, դրա բնակիչներին, ինչպես նաեւ միջազգային կազմակերպություններին ու դրանց սեփականությանը: Այդ մասին ասվում է կիրակի «յոթյակի» արտաքին գործերի նախարարների առցանց հանդիպման արդյունքում համատեղ հայտարարության մեջ, հաղորդում է ՏԱՍՍ-ը:
«Ռուսաստանը պատասխանատվություն կկրի ցանկացած վնասի համար, որը հասցրել է ռազմական ագրեսիայի հետեւանքով Ուկրաինային ու դրա բնակչությանը, ինչպես նաեւ միջազգային կազմակերպություններին եւ դրանց սեփականությանը»,-նշված է տեքստում: Ընդ որում՝ նշվում է, որ G7 երկրները մասնամասն քննարկիել են հետագա վճռական միջոցները Ուկրաինային եւ դրա ժողովրդին աջակցելու հարցում, այդ թվում՝ անվտանգության ոլորտում եւ կիբերտարածությունը պաշտպանելու հարցերով, ինչպես նաեւ ապատեղեկատվության դեմ պայքարում: «Նրանք [G7-ի արտաքին գործերի նախարարները] պարտավորվել են մեծացնել հումանիտար օգնության ծավալը՝ ըստ կարիքի»,-ընդգծվում է տեքստում:
G7-ը նաեւ չի ճանաչում ստատուս-քվոյի փոփոխությունը, որը տեղի կունենա Ուկրաինայում ՌԴ-ի գործողության արդյունքում: Ընդ որում՝ նշվում է, որ G7-ի ԱԳՆ ղեկավարները պայմանավորվել են սերտորեն համակարգել իրենց գործողությունները՝ նպատակ ունենալով ապահովել Ռուսաստանի չարդարացված վարքի լայն եւ վճռական միջազգային դատապարտումը»:
«Նախարարները կոչ են արել ՄԱԿ-ի անդամ բոլոր պետություններին հստակ դիրքորոշում ձեւավորել ռուսական ագրեսիայի նկատմամբ եւ դատապարտել դրա գործողությունները ՄԱԿ-ում, հատկապես՝ ՄԱԿ-ի Գլխավոր Վեհաժողովում եւ Մարդու իրավունքների խորհրդում»,-ընդգծվում է հայտարարության մեջ:
Նրանք դարձյալ համերաշխություն են հայտնել Ուկրաինայի ժողովրդին: Բացի այդ, «յոթյակի» երկրների ԱԳՆ ղեկավարները կրկին դատապարտել են Ուկրաինայում Ռուսաստանի գործողություններն ու կոչ արել ՌԴ-ին անհապաղ դադարել շարունակվող հարձակումն Ուկրաինայի, դրա քաղաքացիական բնակչության եւ քաղաքացիական ենթակառուցվածքի վրա, ինչպես նաեւ անհապաղ դուրս բերել իր զինված ուժերը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...