Մեծ Բրիտանիայի ԱԳՆ-ն հայտարարել է, որ Ուկրաինայում գործողությունը կարող է մի քանի տարի տեւել
Մեծ Բրիտանիայի ԱԳ նախարար Լիզ Թրասը հայտարարել է, որ Ուկրաինայում Ռուսաստանի գործողությունը կարող է տեւել մի քանի տարի՝ հաշվի առնելով ուկրաինական հակազդեցությունն ու Կիեւի իշխանություններին արեւմտյան զենքի մատակարարումը: Այդ մասին նա ասել է Sky News հեռուստաալիքին տված հարցազրույցում, հաղորդում է ՌԻԱ Նովոստին»:
Նրա խոսքով՝ իրավիճակն Ուկրաինայում կարող է վերջնարդյունքում վերաճել ՆԱՏՕ-ի հետ հակամարտության, եթե չդադարեցվեն Ռուսաստանի գործողությունները:
«Սակայն մենք պայքարում ենք ոչ միայն հանուն ուկրաինացիների, նրանց ինքնիշխանության եւ ինքնորոշման իրավունքի, այս տեւական հակամարտությունը վերաբերում է Եվրոպայում ազատությանն ու ժողովրդավարությանը: Եթե մենք չկանգնեցնենք Պուտինին Ուկրաինայում, վտանգի ներքո կհայտնվեն մյուսները՝ Բալթյան երկրները, Լեհաստանը, Մոլդովան: Եւ դա կարող է վերաճել ՆԱՏՕ-ի հետ հակամարտության, իսկ մենք չենք ցանկանում այդպիսի զարգացում»,-հայտարարել է Թրասը:
Նա հավելել է, որ այն տնտեսական զոհողությունները, որոնք պետք է կրի Եվրոպան, անհամեմատելի են Ուկրաինայի կորուստների հետ:
Նշենք, որ բրիտանացի ընդդիմադիր գործիչները պահանջում են երկրից արտաքսել Ռուսաստանի դեսպանին: Բրիտանիայի պաշտպանության «ստվերային» նախարար Դեւիդ Լեմին կոչ է արել երկրից արտաքսել Ռուսաստանի դեսպանին Ուկրաինայում ճգնաժամի պատճառով:
«Վլադիմիր Պուտինի հետ մեր հարաբերությունները շատ դժվար կլինի վերականգնել առաջիկա շաբաթների ընթացքում: Մենք պետք է ասենք Ռուսաստանի դեսպանին երկրից հեռանալու մասին»,-հայտարարել է Լեմին Sky News հեռուստաալիքին տված հարցազրույցում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...