Ռուս զինվորականները ոչնչացրել են ուկրաինական ռազմական ենթակառուցվածքի 975 օբյեկտ
Ռուսաստանի զինված ուժերը ոչնչացրել են ուկրաինական ռազմական ենթակառուցվածքի 975 օբյեկտ, այս մասին այսօր լրագրողների հետ զրույցում հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը, հաղորդում է Interfax-ը.
«Այսօր Ռուսաստանի զինված ուժերը խոցել են Ուկրաինայի ռազմական ենթակառուցվածքի 975 օբյեկտ։ Այդ թվում՝ Ուկրաինայի զինված ուժերի 23 հրամանատարական կետ և կապի կենտրոն, 3 ռադիոլոկացիոն կետ, 31 զենիթահրթիռային С-300 համալիր»,- ճեպազրույցի ժամանակ ասել է Կոնաշենկովը։
Նա հայտնել է, որ խոցվել է 8 մարտական ինքնաթիռ և յոթ ուղղաթիռ, 11 անօդաչու թռչող սարք, երկու մարտավարական «Տոչկա-Ու» հրթիռ։