Լուսաբացից հետո իրավիճակն Ուկրաինայում եւ նրա շուրջ
Ավստրալիան հայտնել է, թե ՆԱՏՕ-ի իր գործընկերների միջոցով զենք եւ զինամթերք է մատակարարելու ուկրաինացիներին:
ԱՍԵԱՆ-ի անդամ երկրների արտգործնախարարները հույս են հայտնել, որ ուկրաինական ճգնաժամը դեռ հնարավոր է հաղթահարել բանակցությունների միջոցով:
Պորտուգալիան եւս հայտարարել է, թե պատրաստ է նռնակլներ եւ այլ զինամթերք ուղարկել Ուկրաինային:
ՌԴ պաշտպանության նախարարությունից հայտնում են, թե մարտական գործողությունների ընթացքում վերացրել են ուկրաինական զինված ուժերի ենթակառուցվածքին պատկանող 975 օբյեկտ, այդ թվում կառավարման 23 կետ, եւ 31 հատ Ս - 300:
Լուգանսկի մարզում Ուկրաինան նոր տարածքային կորուստներ ունի:
Դոնեցկի մարզում եւս Ուկրաինան կորցրել է եւս երկու բնակավայր:
Ռուսաստանյան զինված ուժերը շրջափակել են Խերսոն եւ Բերդյանսկ քաղաքները, գրավել Գենիչեսկը եւ Խերսոնի օդանավակայանը:
Չեխիան երկաթուղային ճանապարհով զենք եւ զինամթերք է ուղարկել Ուկրաինա:
Միայն մեկ օրում Ուկրաինայից Բելառուս է անցել 60 հոգի:
Գոմելում սպասում են ռուս-ուկրաինական բանակցությունների սկսմանը:
Top-News.am