Վերջին մեկ ժամվա նորությունները Կիեւից եւ Մոսկվայից
Ռուսաստանյան զորքերը մի քանի ժամվա ընդմիջումից հետո կրկին անցել են լայնածավալ հարձակման: Պատճառը այդպես էլ չկայացած բանակցություններն են: Ի՞նչ է կատարվում Ուկրաինայում եւ նրա շուրջ վերջին մեկ ժամվա ընթացքում:
Հունգարիայի վարչապետ Օրբանը հայտարարել է, թե իր երկիրը վետո չի դնի ռուսաստանյան պատժամիջոցների դեմ:
Չինաստանում ուկրաինական արյունոտ իրադարձությունների համար մեղադրում են ԱՄՆ-ի վարած արտաքին քաղաքականությանը:
Ուկրաինայի նախագահը հեռախոսազրույ է ունեցել Թուրքիայի նախագահ Ռեջեփ Թայիփ Էրդողանի հետ:
Լեհաստան մուտք գործելու համար ուկրաինացիները սահմանային անցակետի մոտ սպասում են մոտ 15 ժամ: հերթը շատ մեծ է:
Ռուսաստանի քննչական կոմիտեն հայտարարել է, թե Դոնեցկի Ժողովրդական Հանրապետությունում խաղաղ յոթ բնակչի զոհվելու կապակցությամբ հարուցել է քրեական գործ: Չի մանրամասնվում, թե ինչու է քրգործը հարուցվում Ռուսաստանում: