Բլինքենը զգուշացրել է Զելենսկու կառավարությունը տապալելու Պուտինի փորձերի մասին
ԱՄՆ պետքարտուղար Էնթոնի Բլինքենը վստահություն է հայտնել, որ Վլադիմիր Պուտինը կփորձի գրավել Ուկրաինայի մայրաքաղաքը եւ տապալել Վլադիմիր Զելենսկու կառավարությունը։ Այս մասին նա ասել է CBS New-ին տված հարցազրույցում։
Պետքարտուղարը խոստովանել է, որ Ուկրաինայի մայրաքաղաքը «անկասկած կանգնած է գրավման վտանգի առաջ» եւ «կարող է հայտնվել շրջափակման մեջ»: Ռուսական զանգվածային ներխուժումը, ըստ Բլինքենի, «շարունակվում է եւ սպառնում է Կիեւին եւ Ուկրաինայի այլ խոշոր քաղաքներին»։
Բացի այդ, Բլինքենը վստահություն է հայտնել, որ ՌԴ նախագահը «կփորձի» տապալել Վլադիմիր Զելենսկու կառավարությունը։ Այնուամենայնիվ, պետքարտուղարն ընդգծել է, որ այն բոլոր գործողությունները, որոնք Պուտինը ձեռնարկել է 2014 թ․ ի վեր, երբ նա բռնակցեց Ղրիմը եւ թույլ տվեց ռուսամետ անջատողականներին գրավել Արեւելյան Ուկրաինայի մի մասը, Պուտինը հասել է միայն նրան, որ «լիովին վանել է ուկրաինացի ժողովրդին Ռուսաստանից»։
«Հիմա ուկրաինացիների 90 տոկոսը, այսպես ասած, «զզվում է» Ռուսաստանից եւ, իհարկե, ատում է նախագահ Պուտինին։ Ենթադրում եմ, որ նրանք կդիմադրեն իրենց ինքնիշխանությունից, անկախությունից զրկելու ցանկացած փորձի»,- ասել է Բլինքենը՝ հավելելով, որ «Ուկրաինայի ժողովրդավարությունը եւ անկախությունը կհաղթեն»։
NBC News-ի թղթակցի այն հարցին, թե հնարավոր է, որ Ռուսաստանը կդիմի ՆԱՏՕ-ի երկրներին ուղղված ուղղակի սպառնալիքներին, Բլինքենն առաջարկել է «լսել անձամբ նախագահ Պուտինի ասած խոսքերը»:
«Նա ծրագրում էր [ներխուժումը] ամբողջ ընթացքում: Մենք ամեն ջանք գործադրել ենք նրան այս ընթացքից հետ պահելու համար։ Բայց պարզ է, որ նա դա վաղուց էր ծրագրում, եւ դա շատ ավելին է, քան ՆԱՏՕ-ի երկրներին ուղղված սպառնալիքը»,- ասել է նա։
Բլինքենը նշել է, որ պատժամիջոցների նոր փուլը, որն ԱՄՆ-ն ընդունել է եվրոպացի գործընկերների եւ դաշնակիցների հետ համաձայնեցված, «լուրջ հետեւանքներ կունենա Ռուսաստանի համար»։
«Այժմ 10 խոշորագույն ֆինանսական ինստիտուտներ, որոնց պատկանում է Ռուսաստանի բանկային ակտիվների մոտ 80 տոկոսը, չեն կարողանա գործարքներ կատարել ԱՄՆ դոլարով եւ մասամբ եվրոյով։ Սա շատ լուրջ հետեւանքներ կունենա»,- ընդգծել է պետքարտուղարը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները