Շտապ. Ռուսաստանը ճանաչեց Դոնեցկի եւ Լուգանսկի անկախությունը
ՏԱՍՍ-ը տեղեկացնում է, որ ՌԴ նախագահը Վլադիմիր Պուտինը հրամանագրեր է ստորագրել Դոնեցկի Ժողովրդական Հանրապետության եւ Լուգանսկի Ժողովրդական Հանրապետության անկախության ճանաչման վերաբերյալ:
Միաժամանակ ՌԴ նախագահը ԴԺՀ-ի եւ ԼԺՀ-ի ղեկավարների հետ ստորագրել է բարեկամության, համագործակցության եւ փոխադարձ օգնության մասին պայմանագրերը:
Պուտինը շնորհավորել է Դենիս Պուշիլինին եւ Լեոնիդ Պասեչնիկին այդ պայմանագրերի ստորագրման կապակցությամբ:
Այսպիսով, Ռուսաստանը հետխորհրդային տարածքում ճանաչեց եւս երկու նորաստեղծ հանրապետությունների անկախությունը: Նման բախտի նախկինում արժանացել էին Հարավային Օսիան եւ Աբխազիան:
Top-News.am