Լուկաշենկոն հայտարարել է առաջինը պատերազմի գնալու պատրաստակամության մասին
Բելառուսի նախագահ Ալեքսանդր Լուկաշենկոն դատախազության աշխատակիցների պարգեւատրման արարողության ժամանակ հայտարարել է, որ պատրաստ է լինել առաջիններից մեկը, ով կպաշտպանի երկիրը սպառնալիքի դեպքում, տեղեկացնում է «БелТА» գործակալությունը։
«Մենք պետք է ամեն ինչ անենք մեր երկիրը պաշտպանելու համար։ Բայց անհրաժեշտության դեպքում մենք առաջինը կգնանք պատերազմի՝ պաշտպանելու մեր Հայրենիքը»,- ասել է Լուկաշենկոն։
Նա նշել է, որ Եվրոպայում վերջին իրադարձությունների ֆոնին «պատերազմ հրահրելու փսիխոզ» է ձևավորվել, և իրադարձությունների էպիկենտրոնում հայտնվել է Բելառուսը։ Լուկաշենկոն պատմել է նաև, թե ինչպես է ռուս-բելառուսական զորավարժությունների ժամանակ լրագրողներին փորձել բացատրել հնարավոր պատերազմի սարսափներն ու զրկանքները։
«Զորավարժությունների ավարտին սարսափելի եղանակ սկսվեց՝ հորդառատ անձրեւ, ձնախառն անձրեւ, սաստիկ քամի: Բոլորը կանգնած դողում էին։ Մտածեցի երկար զրուցել նրանց հետ, որպեսզի և՛ օտարերկրացիները, և՛ մենք ավելի լավ զգանք՝ ինչ է անհարմարավետ պայմաններում ապրելը։ Եվ ես հարցրեցի նրանց․ «Դե, հիմա հասկացաք, որ պատերազմը սարսափելի է, ավելի վա՞տ կլինի, քան հիմա: Չէ՞ որ մենք սովոր ենք լավ պայմանների»։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է