Ուկրաինայի ԱԳ նախարարը հայտարարել է, որ Կիեւը չի նախապատրաստում սադրանքներ Մոսկվայի դեմ
Կիրակի «Ուկրաինա 24» հեռուստաալիքի եթերում հեռարձակվող ճեպազրույցի ժամանակ Ուկրաինայի ԱԳՆ Դմիտրի Կուլեբան հայտարարել է, որ Կիեւը չի նախապատրաստում սադրանքներ ու հրետակոծություն Ռուսաստանի Դաշնության դեմ եւ ցանկանում է խաղաղություն:
«Ուկրաինան չի նախապատրաստում եւ իրականցում հարձակողական ռազմական գործողություններ կամ սադրանքներ, դիվերսիաներ, հրետակոծություններ Ռուսաստանի տարածքում: Մենք պատերազմի չենք ձգտում, մենք ձգտում ենք խաղաղության»,-հայտարարել է Կուլեբան:
Դմիտրի Կուլեբան նաեւ հայտարարել է, որ Ռուսաստանի հետ հակամարտությունում դիվանագիտությունը շարունակում է աշխատել: Ավելին, նա հայտարարել է, որ արդեն կան բոլոր հիմքերը Ռուսաստանի դեմ նախապատրաստած պատժամիջոցների գոնե մի մասն ընդունելու համար, եւ կոչ է արել Արեւմուտքին գործել այդ ուղղությամբ: