Եվրահանձնաժողով. Ռուսաստանի դեմ ԵՄ պատժամիջոցները կներառեն էներգետիկ հատվածը եւ բարձր տեխնոլոգիաները
Ռուսաստանի դեմ ԵՄ պատժամիջոցները կներառեն էներգետիկ հատվածն ու բարձր տեխնոլոգիաների ոլորտները, եթե Ուկրաինայի դեմ պատերազմ սկսվի։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լյաենը՝ շաբաթ օրը ելույթ ունենալով Մյունխենի անվտանգության համաժողովում, տեղեկացրել է ՏԱՍՍ-ը։
«Մենք արդեն համաձայնեցրել ենք Ռուսաստանի դեմ կոշտ պատժամիջոցները, որոնք կներառեն սահմանափակումներ էներգետիկ եւ բարձր տեխնոլոգիաների ոլորտներում»,- ասել է ֆոն դեր Լյաենը։ Նա նշել է, որ Ուկրաինայում «հակամարտությունն ստեղծել է Ռուսաստանը»։
Եվրահանձնաժողովի ղեկավարը նաեւ հայտարարել է, որ ԵՄ-ը եւ ՆԱՏՕ-ն կպահպանեն միասնականությունը Ուկրաինայի շուրջ իրավիճակի հարցում։ «ԵՄ-ը եւ ՆԱՏՕ-ն պահպանում են լիակատար միասնականությունը եւ միասնական կմնան՝ ի պատասխան ռուսական սպառնալիքների»,- նշել է նա՝ ստեղծված իրավիճակն անվանելով «Եվրոպայի ամենամռայլ օրերը սառը պատերազմից հետո»։
Նրա խոսքով՝ վերջին օրերի իրադարձությունները կարող են ամբողջովին փոխել աշխարհակարգը։ «Մենք տեսնում ենք զորքերի ամենամեծ կենտրոնացումը Եվրոպայում սառը պատերազմի մթին ժամանակներից ի վեր։ Այս օրերի իրադարձությունները կարող են լիովին փոխել աշխարհակարգը։ Ուկրաինան հենց նոր է նշել անկախության 30-ամյակը։ Ուկրաինացիների մի ամբողջ սերունդ ծնվել եւ մեծացել է ազատ երկրում։ Նրանք դեմոկրատիայի զավակներն են։ Բայց այժմ նրանք ամեն օր բախվում են արտաքին ագրեսիայի եւ միջամտության»,- ասել է ԵՀ ղեկավարը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա