Անհարգալից վերաբերմունք․ երկրպագուները պահանջում են, որ Քայլի Ջենները բաժանվի Թրեւիս Սքոթից

Քայլի Ջենների երկրպագուները պահանջում են, որ նա բաժանվի Թրեւիս Սքոթից։ Պատճառը նրանց նործին որդու՝ Վոլֆի ծնունդից ընդամենը մի քանի օր անց «գիշերային երեկույթներն են»։ Այս մասին գրում է The Sun-ը։

Ռեփերը քննադատության է ենթարկվել այն բանից հետո, երբ ընկերների ու Քիմ Քարդաշյանի նմանակի հետ նրան նկատել են մինչեւ վաղ առավոտ ժամանակ անցկացնելիս։ Երկրպագուները ռեփերին քննադատել են Քայլիի նկատմամբ «անհարգալից վերաբերմունքի» պատճառով։

Շատերը Reddit-ում են կիսվել իրենց կարծիքով։

«Դա միանշանակ խոսում է այն մասին, որ ես սիրում եւ գնահատում եմ իմ որդուն եւ հարգում եմ նրան լույս աշխարհ բերած կնոջը», — հեգնանքով գրել է օգտատերերից մեկը:

Մեկ այլ օգտատեր հարց է ուղղել․ «ի՞նչ է գտել Քայլին նրա մեջ»։ «Տղամարդկանց հարցում նրանք բոլորն ունեն ամենավատ ճաշակը», - գրել է օգտատերը՝ նկատի ունենալով Քրիս Ջենների դուստրերին։