Արքայազն Հարին դատական հայց է ներկայացրել Մեծ Բրիտանիայի ներքին գործերի նախարարության դեմ
Սասեքսի դուքս արքայազն Հարին դատական հայց է ներկայացրել Մեծ Բրիտանիայի ներքին գործերի նախարարության դեմ։ Արքայազնը պահանջում է թագուհու պլատինե հոբելյանին ընտանիքի հետ այցի ընթացքում իրեն անվտանգության աշխատակիցների տրամադրել, հայտնում է Daily Mail-ը՝ վկայակոչելով նրա փաստաբաններին։
Սասեքսի դուքսի փաստաբանը պնդում է, որ իր վստահորդը ցանկանում է կնոջն ու երեխաներին իր հայրենիք տանել, սակայն «չի կարող տուն վերադառնալ», քանի որ դա չափազանց վտանգավոր է։ Ընդ որում, նա պատրաստ է անձամբ վճարել անվտանգության համար։
«Ինչպես հայտնի է, մյուս անձինք, որոնք ազատվել են պետական ծառայությունից եւ սպառնալիքի ռիսկի ենթարկվել, անվճար ստանում են ոստիկանության պաշտպանությունը։ Մեծ Բրիտանիան մշտապես կլինի արքայազն Հարիի տունն ու երկրը, որում նա ցանկանում է, որ իր կինն ու երեխաներն անվտանգ լինեն։ Ոստիկանության կողմից պաշտպանության բացակայության դեպքում չափազանց մեծ ռիսկ է առաջանում։ Արքայազն Հարին անվտանգության սպառնալիքը ժառանգել է ծնվելիս՝ ամբողջ կյանքի համար։ Նա գահի համար հերթում վեցերորդն է, երկու անգամ զինվորական ծառայություն է անցել Աֆղանստանում, իսկ վերջին տարիներին նրա ընտանիքը ենթարկվել է լավ փաստաթղթավորված նեոնացիստական եւ էքստրեմիստական սպառնալիքներին»,- հայտարարել է դուքսի փաստաբանը։
Առաջին դատական նիստը նշանակված է այսօր՝ փետրվարի 18-ին։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա